![\"\"](\"https:\/\/radiostargjilan.com\/web\/wp-content\/uploads\/2021\/12\/3BC48092-55CB-46E2-BF55-3A789FB96A3D.jpeg\")
<\/a><\/p>\nKryesia e FC Kosova, Cyrih<\/p>\n
\u201cFC Kosova\u201d e Cyrihut ka 10 ekipe futbollistike q\u00eb garojn\u00eb n\u00eb federat\u00ebn e futbollit zviceran<\/p>\n
FC Kosova \u00ebsht\u00eb i vetmi klub shqiptar me prejardhje migrante n\u00eb Zvic\u00ebr q\u00eb garon n\u00eb lig\u00ebn e par\u00eb zvicerane. \u00cbsht\u00eb m\u00eb shum\u00eb se nj\u00eb ekip futbolli. FC Kosova \u00ebsht\u00eb nj\u00eb familje e dyt\u00eb dhe pjes\u00eb e identitetit t\u00eb an\u00ebtar\u00ebve dhe fansave t\u00eb saj. T\u00eb shumt\u00eb jan\u00eb tifoz\u00ebt q\u00eb marrin pjes\u00eb n\u00eb \u00e7do ndeshje me daulle dhe flamuj, duke treguar se jan\u00eb krenar\u00eb p\u00ebr djemt\u00eb e ekipit t\u00eb futbollit q\u00eb p\u00ebrfaq\u00ebson Kosov\u00ebn. Klubi ka l\u00ebn\u00eb gjurm\u00eb n\u00eb Zvic\u00ebr p\u00ebr vite me radh\u00eb, me numrin m\u00eb t\u00eb madh t\u00eb shikuesve n\u00eb lig\u00ebn ku garon. N\u00eb k\u00ebt\u00eb ver\u00eb kan\u00eb kaluar 25 vjet nga themelimi i shoqat\u00ebs shqiptare, e cila ka mbijetuar n\u00ebp\u00ebr periudha dhe p\u00ebrball\u00eb sfidave t\u00eb ndryshme.<\/p>\n
FC Kosova Cyrih ekziston q\u00eb nga viti 1994. P\u00ebrve\u00e7 sukseseve sportive, sukses tjet\u00ebr \u00ebsht\u00eb se deri m\u00eb tani ka mbledhur shum\u00eb t\u00eb rinj nga t\u00eb gjitha trevat shqiptare. Filloi me nj\u00eb ekip n\u00eb lig\u00ebn m\u00eb t\u00eb ul\u00ebt t\u00eb futbollit zviceran dhe pas me tep\u00ebr se dy dekadash pune ka dhjet\u00eb ekipe t\u00eb t\u00eb gjitha grupmoshave, me mbi 200 lojtar\u00eb t\u00eb rregullt. Krenaria e veshjes s\u00eb fanellave kuq e zi \u00ebsht\u00eb e dukshme tek \u00e7do lojtar, junior dhe senior.<\/p>\n
Liga e par\u00eb, suksesi m\u00eb i madh i FC Kosov\u00ebs<\/p>\n
Suksesi m\u00eb i madh n\u00eb historin\u00eb e klubit \u00ebsht\u00eb kalimi n\u00eb Lig\u00ebn e Par\u00eb t\u00eb Zvicr\u00ebs, n\u00eb sezonin 2015-2016 me \u00e7far\u00eb u b\u00eb klubi i par\u00eb i emigrant\u00ebve q\u00eb ka arritur di\u00e7ka t\u00eb till\u00eb. Sukses i madh \u00ebsht\u00eb pastaj kualifikimi n\u00eb raundin kryesor t\u00eb Kup\u00ebs s\u00eb Zvicr\u00ebs, pjes\u00ebmarrja e dyfisht\u00eb n\u00eb finale n\u00eb gar\u00ebn e kup\u00ebs rajonale si dhe fitimi i Kup\u00ebs s\u00eb Federat\u00ebs s\u00eb Futbollit t\u00eb Cyrihut t\u00eb Senior\u00ebve. Suksesi i radh\u00ebs ishin garat e kup\u00ebs, ku u p\u00ebrball me klube si Basel, Young Boys, Grasshopper, Zurich etj.<\/p>\n
Kush jan\u00eb drejtuesit e FC Kosov\u00ebs<\/p>\n
Pas nj\u00eb periudhe t\u00eb gjat\u00eb t\u00eb drejtimit t\u00eb suksessh\u00ebm t\u00eb klubit nga afaristi Arsim Hyseni dhe me kontributin e \u00e7muesh\u00ebm t\u00eb trajnerit Enver Osmani, kryesia e re p\u00ebrb\u00ebhet pothuajse t\u00ebr\u00ebsisht me emra t\u00eb rinj \u2013 shqiptar\u00eb t\u00eb gjenerat\u00ebs s\u00eb dyt\u00eb, q\u00eb kan\u00eb krijuar karrier\u00ebn e tyre profesionale n\u00eb profesione me pesh\u00eb n\u00eb ngritjen dhe zhvillimin e nj\u00eb shoq\u00ebrie.<\/p>\n
Albinfo.ch sjell portretet e an\u00ebtar\u00ebve t\u00eb kryesis\u00eb s\u00eb FC Kosov\u00ebs, n\u00eb m\u00ebnyr\u00eb q\u00eb t\u00eb njiheni nga af\u00ebr me angazhimet n\u00eb klub dhe n\u00eb jet\u00ebn e tyre profesionale.<\/p>\n
Kryetar i FC Kosov\u00ebs, bankieri, Nesret Limani<\/p>\n
Bankier i suksessh\u00ebm, punon n\u00eb bank\u00ebn e njohur zvicerane, Credit Suisse. Ai \u00ebsht\u00eb njoh\u00ebs ekselent i futobllit dhe ka lidhje t\u00eb ngushta me shum\u00eb drejtues futbolli t\u00eb klubeve t\u00eb m\u00ebdha zvicerane. Nesreti ka luajtur gjasht\u00eb vite n\u00eb Challenge League (Liga e dyt\u00eb zvicerane) dhe po e ngre klubin bashk\u00eb me an\u00ebtar\u00ebt e tjer\u00eb t\u00eb kryesis\u00eb n\u00eb nje nivel tjet\u00ebr t\u00eb organizimit t\u00eb shqiptar\u00ebve t\u00eb Zvicr\u00ebs.<\/p>\n \u201cVendosm\u00ebria dhe vet\u00ebbesimi, m\u00eb kan\u00eb dalluar gjithmon\u00eb. Ambicia ime m\u00eb ka ndihmuar gjithmon\u00eb n\u00eb sport dhe n\u00eb jet\u00eb. P\u00ebrve\u00e7 pun\u00ebs q\u00eb e b\u00ebj si bankier n\u00eb bank\u00ebn Credi Suisse me orar t\u00eb plot\u00eb, jam baba i dy djemve dhe prej dy vitesh president i FC Kosov\u00ebs. Me angazhimin tim dua tu tregoj njer\u00ebzve se dallimin mund ta bejm\u00eb vet\u00ebm si t\u00eb bashkuar.<\/p>\n Un\u00eb gjithmon\u00eb dhe n\u00eb \u00e7do situat\u00eb p\u00ebrpiqem t\u00eb nxjerr me t\u00eb mir\u00ebn bashk\u00eb me kryesin\u00eb, sponsor\u00ebt, junior\u00ebt dhe senior\u00ebt e klubit \u201cFC Kosova\u201d. K\u00ebshtu ne po shtrijm\u00eb suksesin ton\u00eb n\u00eb nj\u00eb platform\u00eb t\u00eb sukseshme dhe profesionale p\u00ebr t\u00eb gjith\u00eb bashkatdhetar\u00ebt e simpatizant\u00ebt tan\u00eb q\u00eb na p\u00ebrkrahin n\u00eb k\u00ebt\u00eb rrug\u00ebtim dhe gjithsesi nj\u00eb fal\u00ebnderim i madh u takon t\u00eb gjith\u00eb atyre q\u00eb na ndihmojn\u00eb \u00e7do dit\u00eb e n\u00eb \u00e7do loj\u00eb\u201d, shprehet presidenti 36 vje\u00e7ar i lindur e rritur n\u00eb Zvic\u00ebr, i cili \u00ebsht\u00eb me prejardhje nga fshati Breznic\u00eb, Lugina e Preshev\u00ebs.<\/p>\n P\u00ebrgjegj\u00ebs p\u00ebr Premium Club, bankieri, Kushtrim D\u00ebrmaku<\/p>\n \u201cAnash t\u00eb gjitha angazhimeve t\u00eb mia familjare si bashk\u00eb short dhe baba i dy femij\u00ebve, por edhe angazhimit profesional si Senior Account Manager n\u00eb bank\u00ebn UBS, FC Kosova Z\u00fcrich tek un\u00eb ka vendin dhe v\u00ebmendjen e ve\u00e7ant\u00eb\u201d thot\u00eb Kushtrim Dermaku i lindur dhe i rritur n\u00eb Gjilan. \u201cKur jam ftuar t`i bashkangjitem kryesis\u00eb n\u00eb vitin 2020, p\u00ebr mua ka qen\u00eb nj\u00eb nder i jasht\u00ebzakonsh\u00ebm por edhe nj\u00eb p\u00ebrgjegj\u00ebsi e madhe, meq\u00eb nuk b\u00ebhej fjal\u00eb p\u00ebr nj\u00eb klub t\u00eb ri po p\u00ebr nj\u00eb klub artefakt e me histori t\u00eb gjat\u00eb e t\u00eb ndritshme. Vizioni, eksperienca profesionale, kultura e pun\u00ebs dhe vigjilenca e secilit prej nesh ka mund\u00ebsuar nj\u00eb riorganizim rigoroz dhe p\u00ebrparim t\u00eb jasht\u00ebzakonsh\u00ebm t\u00eb FC Kosov\u00ebs n\u00eb nj\u00eb afat t\u00eb shkurt\u00ebr kohor duke e b\u00ebr\u00eb at\u00eb nj\u00eb brend dhe platform\u00eb t\u00eb paz\u00ebvend\u00ebsueshme bashk\u00ebpunimi p\u00ebr sportist\u00eb, por edhe p\u00ebr afarist\u00eb t\u00eb shquar t\u00eb komunitetit shqiptar dhe zviceran\u201d, shprehet 36 vje\u00e7ari Dermaku, p\u00ebrgjegj\u00ebsi p\u00ebr Premium Club.<\/p>\n Adnan Ismajli- veteran i FC Kosov\u00ebs, 26 vite sh\u00ebrbim<\/p>\n Gjilanasi Adnan Ismajli i takon gjenerat\u00ebs s\u00eb par\u00eb t\u00eb klubit FC Kosova. Prej vitit 1995 \u00ebsht\u00eb aktiv n\u00eb klubin FC Kosova, fillimisht si futbollist dhe prej vitit 2018 \u00ebsht\u00eb i angazhuar edhe n\u00eb kryesi t\u00eb klubit me detyr\u00ebn p\u00ebrgjegj\u00ebs i organizimit t\u00eb loj\u00ebs s\u00eb ekipit t\u00eb par\u00eb. Ai asnj\u00ebher\u00eb nuk i ka kthyer shpinen klubit dhe p\u00ebr t\u00eb Kosova \u00ebsht\u00eb sht\u00ebpia e dyt\u00eb. P\u00ebr k\u00ebt\u00eb ai \u00ebsht\u00eb mir\u00ebnjoh\u00ebs familjes q\u00eb i ka dh\u00ebn\u00eb mb\u00ebshtetje n\u00eb t\u00ebr\u00eb k\u00ebto vite angazhim.<\/p>\n \u201cP\u00ebr mua klubi FC Kosova \u00ebsht\u00eb familja e dyt\u00eb. Un\u00eb falenderoj sponzor\u00ebt q\u00eb p\u00ebrkrahin klubin ton\u00eb dhe nj\u00eb respekt t\u00eb ve\u00e7ant\u00eb kam p\u00ebr veteran\u00ebt q\u00eb ndihmojn\u00eb rregullisht n\u00eb \u00e7do ndeshje e event t\u00eb klubit, por mbi gjitha kam k\u00ebnaq\u00ebsin\u00eb t\u00eb jem pjes\u00eb e kryesis\u00eb me n\u00eb krye Nesin q\u00eb punon dit\u00eb e nat\u00eb p\u00ebr FC Kosov\u00ebn\u201d, shprehet gjilanasi.<\/p>\n Sekretar i klubit, juristi, Orhan Spahiu<\/p>\n Komunikimi zyrtar me Federat\u00ebn e Futbollit dhe komun\u00ebn kalon p\u00ebrmes skanerit t\u00eb juristit, Orhan Spahiu. Orhani \u00ebsht\u00eb koka ligjore e klubit. Ai ka mbaruar studimet n\u00eb Fakultetin Juridik t\u00eb Universitetit t\u00eb Cyrihut n\u00eb vitin 2011 dhe q\u00eb nga viti 2012 punon n\u00eb nj\u00eb zyr\u00eb ligjore. \u00cbsht\u00eb i martuar, ka 2 f\u00ebmij\u00eb. Orhan Spahiu \u00ebsht\u00eb i angazhuar edhe n\u00eb disa shoqata tjera humanitare p\u00ebr mbrojtjen e interesave t\u00eb shqiptar\u00ebve n\u00eb Zvic\u00ebr. Po ashtu \u00ebsht\u00eb an\u00ebtar i kryesis\u00eb s\u00eb Kuvendit t\u00eb Shqiptar\u00ebve t\u00eb Zvicr\u00ebs. Pasion ka futbollin dhe Ping-Pongun.<\/p>\n P\u00ebrgegj\u00ebs i junior\u00ebve, ekspert i sigurimeve sh\u00ebndet\u00ebsore, Ilir Morina Iliri ka 22 vite q\u00eb \u00ebsht\u00eb an\u00ebtar i FC Kosov\u00ebs dhe konsiderohet si zemra e klubit, sidomos n\u00eb sektorin e junior\u00ebve. Iliri ka emigruar n\u00eb Zvic\u00ebr n\u00eb mosh\u00ebn 14 vje\u00e7are dhe vjen nga komuna e Kamenic\u00ebs. Ai \u00ebsht\u00eb baba i dy f\u00ebmij\u00ebve dhe punon n\u00eb kompanin\u00eb e sigurimeve CSS, si ekspert i sigurim\u00ebve sh\u00ebndet\u00ebsore.<\/p>\n \u201cFutbollin e kam si pasion dhe n\u00eb mosh\u00eb t\u00eb re kam filluar t\u00eb luaj futboll. Kurse prej vitit 1999 jam an\u00ebtar i FC Kosova Z\u00fcrich. N\u00eb at\u00eb koh\u00eb kam qen\u00eb lojtar i ekipit t\u00eb par\u00eb dhe kam kaluar n\u00eb t\u00eb gjitha kategorit\u00eb e klubit ton\u00eb. Prej vitit 2014 jam antar i kryesis\u00eb s\u00eb FC Kosov\u00ebs, p\u00ebrgjegj\u00ebs i junior\u00ebve.<\/p>\n F\u00ebmij\u00ebt m\u00eb motivojn\u00eb t\u00eb punoj edhe m\u00eb shum\u00eb p\u00ebr ngritjen e cil\u00ebsis\u00eb s\u00eb klubit. Ata jan\u00eb e ardhmja jon\u00eb dhe ne synojm\u00eb t\u00eb nxjerrim lojtar q\u00eb nes\u00ebr mund t\u00eb na p\u00ebrfaq\u00ebqesojn\u00eb edhe n\u00eb reprezentacione\u201d thot\u00eb p\u00ebrgjegj\u00ebsi i shtat\u00eb ekipeve t\u00eb junior\u00ebve, Ilir Morina.<\/p>\n P\u00ebrgjegj\u00ebs i financave, eksperti i sigurimeve private dhe t\u00eb bizneseve, Fiton Bunjaku Fitoni ka 15 vite q\u00eb \u00ebsht\u00eb i angazhuar n\u00eb klubin futbollistik Kosova dhe njihet si nj\u00eb djal\u00eb fjal\u00ebpak q\u00eb angazhohet me p\u00ebrkushtim p\u00ebr sigurimin e financave p\u00ebr klubin.<\/p>\n \u201cPrej 2006 n\u00eb klub te FC Kosov\u00ebs, fillimisht si lojtar n\u00eb ekipin e par\u00eb e tani tek senior\u00ebt. N\u00eb kryesi jam p\u00ebrgegjes kryesor p\u00ebr financat\u201d. Fitoni ka lindur dhe \u00ebsht\u00eb shkolluar n\u00eb Zvic\u00ebr. Ai i punon si k\u00ebshilltar p\u00ebr klient\u00eb privat dhe t\u00eb bizneseve (Privat- und Firmenkundenberater) n\u00eb kompanin\u00eb e sigurimit Zurich.<\/p>\n<\/a><\/p>\n<\/a><\/p>\n<\/a><\/p>\n<\/a><\/p>\n<\/a><\/p>\n<\/a><\/p>\n<\/a><\/p>\n