\n
![\"\"](\"https:\/\/radiostargjilan.com\/web\/wp-content\/uploads\/2022\/06\/EEDA8CA8-933D-4A6F-B0BB-02D895747B8A.png\")
<\/a><\/p>\nsq Albanian
\nPublikohet audio-incizimi, dyshohet p\u00ebr ryshfet astronomik n\u00eb Ministrin\u00eb e Liburn Aliut
\n01\/06\/2022 | 18:28<\/p>\n
Web-emisioni \u201cDitari i Buzhal\u00ebs\u201d ka trajtuar nj\u00eb rast korrupsioni ku p\u00ebrmendet edhe emri i ministrit Liburn Aliu, dhe ku nuk mungojn\u00eb shumat astronomike, pushteti e ryshfeti, dhe daja e nipi.<\/p>\n
Gazetari Berat Buzhala, n\u00eb k\u00ebt\u00eb emision pretendon se ka zbuluar p\u00ebrgjime autentike q\u00eb d\u00ebshmojn\u00eb se si nj\u00eb kompani projektuese e lidhur me pushtetin e Vet\u00ebvendosjes, u zu \u201cme pel\u00eb p\u00ebr dore\u201d duke k\u00ebrkuar ryshfet.<\/p>\n
Q\u00eb n\u00eb Kosov\u00eb k\u00ebrkohet ryshfet, kjo ishte nj\u00eb hamendje e kahmotshme, anipse shpesh mungonin faktet p\u00ebr ta d\u00ebshmuar se ndodhte, e p\u00ebr ta kuptuar se si ndodhte, shkruan Gazeta Nacionale. Por, k\u00ebsaj radhe \u00e7\u00ebshtja \u00ebsht\u00eb shum\u00eb m\u00eb e r\u00ebnd\u00eb, e nj\u00ebkohsh\u00ebm edhe m\u00eb sqaruese, meq\u00eb kompania del t\u00eb ket\u00eb lidhje me maj\u00ebn e pushtetit n\u00eb Ministrin\u00eb e Infrastruktur\u00ebs dhe sqaron m\u00ebnyr\u00ebn se si ndodh korrupsioni.<\/p>\n
\u00cbsht\u00eb fjala p\u00ebr kompanin\u00eb e quajtur \u201cInfratek\u201d, n\u00eb t\u00eb cil\u00ebn kishte punuar k\u00ebshilltari i Liburn Aliut. Dhe, madje jo ve\u00e7 q\u00eb kishte punuar, por edhe kishte lidhje familjare me pronar\u00ebt. Ata ishin dajt\u00eb e tij.<\/p>\n
Emri i k\u00ebtij k\u00ebshilltari \u00ebsht\u00eb Florent Ramqaj. Emri i ministrit \u00ebsht\u00eb Liburn Aliu. Emri i daj\u00ebs \u00ebsht\u00eb Halil Jahaj. Mbiemri i ministris\u00eb \u00ebsht\u00eb \u201ce Infrastruktur\u00ebs\u201d. Shuma e ryshfetit? B\u00ebhet fjal\u00eb p\u00ebr 30 mij\u00eb euro. Pra, b\u00ebhet fjal\u00eb p\u00ebr 20 mij\u00eb euro q\u00eb jepen nj\u00eb her\u00eb, e 10 mij\u00eb t\u00eb tjera m\u00eb von\u00eb.<\/p>\n
Nipi i shefave t\u00eb kompanis\u00eb ryshfet-k\u00ebrkuese e k\u00ebshilltari i Liburnit, Florent Ramqaj, dikur protestonte me aktivist\u00eb t\u00eb Vet\u00ebvendosjes edhe p\u00ebr bileta m\u00eb t\u00eb lira t\u00eb autobusit, por del se sot \u00ebsht\u00eb njeri shum\u00eb i pushtetsh\u00ebm.<\/p>\n
Kompania e daj\u00ebs s\u00eb Vet\u00ebvendosjes \u2013 si\u00e7 quhej Halili nga aktivisti i shquar i partis\u00eb s\u00eb Kurtit, Pajtim Demaj \u2013 kishte p\u00ebr detyr\u00eb q\u00eb t\u00eb shkruante raportin p\u00ebr pun\u00ebt e kryera nga kompanit\u00eb e caktuara. Dhe, n\u00eb vend se t\u00eb kryente pun\u00ebn si\u00e7 e parashikonte ligji, p\u00ebrfaq\u00ebsuesi i kompanis\u00eb d\u00ebgjohet duke keqp\u00ebrdorur detyr\u00ebn zyrtare, pra pushtetin, p\u00ebr t\u00eb marr\u00eb p\u00ebrfitime financiare.<\/p>\n
P\u00ebr m\u00eb keq, nga p\u00ebrgjimet e publikuar n\u00eb \u201cDitari i Buzhal\u00ebs\u201d n\u00ebnkuptohet se edhe n\u00ebse kompania nd\u00ebrtimore do t\u2019i kishte kryer pun\u00ebt si duhej sipas t\u00eb gjitha rregullave e standardeve t\u00eb projektuesit, do t\u2019i n\u00ebnshtrohej ryshfetit n\u00eb fjal\u00eb.<\/p>\n
Ministria e Mjedisit, Planifikimit Hap\u00ebsinor dhe Infrastruktur\u00ebs, prej 23 marsit 2021 drejtohet nga Liburn Aliu, nj\u00eb prej njer\u00ebzve m\u00eb t\u00eb pushtetsh\u00ebm n\u00eb Vet\u00ebvendosje p\u00ebr shkak t\u00eb af\u00ebrsis\u00eb me liderin, Albin Kurtin.<\/p>\n
N\u00eb muajt e fundit pas ardhjes n\u00eb pushtet, mediet raportuan p\u00ebr sht\u00ebpin\u00eb e Liburn Aliut n\u00eb Lagjen Marigona, dhe e cila nuk p\u00ebrkonte me imazhet e politikanit q\u00eb avokonte p\u00ebr varf\u00ebrin\u00eb dhe p\u00ebr mjerimin. Por, emri i Liburn Aliut p\u00ebrmendet edhe n\u00eb k\u00ebto p\u00ebrgjime.<\/p>\n
\u201cE ka jaran Liburnin\u201d, thot\u00eb n\u00eb nj\u00eb sekuenc\u00eb p\u00ebrfaq\u00ebsuesi i Infratek-ut duke e mb\u00ebshtetur k\u00ebrkes\u00ebn p\u00ebr ryshfet \u2013 e cila n\u00eb nj\u00eb moment shnd\u00ebrrohet edhe n\u00eb k\u00ebrc\u00ebnim \u2013 ndaj viktim\u00ebs. \/Nacionale\/.<\/p>\n