\n
![\"\"](\"https:\/\/radiostargjilan.com\/web\/wp-content\/uploads\/2023\/02\/013C4293-2340-4917-9786-D31DD737AE80.jpeg\")
<\/a><\/p>\nN\u00eb Sall\u00ebn e Teatrit n\u00eb Preshev\u00eb \u00ebsht\u00eb dh\u00ebn\u00eb premiera e shfaqjes \u201cVdekja e hijshme\u201d me autor Mexhid Mehmetin e n\u00eb regji t\u00eb Kastriot Saqipit, shfaqje n\u00eb t\u00eb cil\u00ebn kan\u00eb luajtur nj\u00eb grup i madh i aktor\u00ebve nga Presheva, Gjilani, Prishtina e qytete t\u00eb tjera t\u00eb Kosov\u00ebs e m\u00eb gjer\u00eb.<\/p>\n
N\u00eb Sht\u00ebpin\u00eb e Kultur\u00ebs n\u00eb Preshev\u00eb, si asnj\u00ebher\u00eb m\u00eb par\u00eb salla e teatrit ishte e mbushur p\u00ebrplot me artdash\u00ebs, shum\u00eb nga t\u00eb cil\u00ebt shfaqjen e p\u00ebrcoll\u00ebn n\u00eb k\u00ebmb\u00eb.<\/p>\n
Kjo shfaqje \u00ebsht\u00eb realizuar sipas motiveve t\u00eb k\u00ebng\u00ebs \u201cHasan Aga dhe vajza poturesh\u00eb\u201d e t\u00eb cil\u00ebn me mjeshtri e ka dramatizuar skenaristi Mexhid Mehmeti, derisa ajo nga regjisori Kastriot Saqipi \u00ebsht\u00eb realizuar asisoj q\u00eb n\u00eb nism\u00eb publikut i b\u00ebhet me dije se ngjarja mund t\u00eb ket\u00eb ndodhur n\u00eb rrethin e Preshev\u00ebs, n\u00eb fshatin Zhunic\u00eb, derisa ngjarja tashm\u00eb p\u00ebr publikun \u00ebsht\u00eb e njohur, ka t\u00eb b\u00ebj\u00eb me nj\u00eb storie dashurie n\u00eb mes t\u00eb dy t\u00eb rinj\u00ebve, t\u00eb shtresave t\u00eb ndryshme shoq\u00ebrore, t\u00eb Hasan ag\u00ebs q\u00eb vije nga nj\u00eb familje e kamur dhe t\u00eb vajz\u00ebs poturesh\u00eb, t\u00eb cil\u00ebt n\u00eb vegj\u00ebli i kishin dh\u00ebn\u00eb bes\u00ebn nj\u00ebri-tjetrit se nuk do t\u2019i ndaj\u00eb as vdekja. Shfaqja ka nj\u00eb \u00e7asje regjisoriale t\u00eb nd\u00ebrtuar asisoj q\u00eb fillon me dram\u00eb, vazhdon me situata komedie, por q\u00eb fundi i p\u00ebrket tragjedis\u00eb, ngase n\u00eb fund t\u00eb shfaqjes personazhet kryesore b\u00ebjn\u00eb vet\u00ebvrasje. Trupa artistike si \u00ebsht\u00eb m\u00eb s\u00eb miri \u00ebsht\u00eb mish\u00ebruar me rolet q\u00eb u ka besuar regjisori, n\u00eb t\u00eb ka pamje nga jeta baritore, por edhe nj\u00eb varg kostumesh shum\u00ebngjyr\u00ebshe q\u00eb jan\u00eb pjes\u00eb e trashigimis\u00eb kulturore shqiptare e nuk kan\u00eb munguar as k\u00ebng\u00eb, valle e rite nga kultura e pasur shqiptare.<\/p>\n
N\u00eb rolin e Hasan Ag\u00ebs \u00ebsht\u00eb paraqitur aktori preshevar Artan Ibishi, kurse rolin e vajz\u00ebs poturesh\u00eb e ka luajtur aktorja e re Blerina Veseli. Luajt\u00ebn edhe aktor\u00ebt t\u00eb njohur e t\u00eb rinj Gani Veseli, Valon Nuhiu, Safete Mustafa Baftiu, Emine Toska, Bleron Kryeziu, Vlora Rrustemi, Arlind Fejzullahu, Lendi Aliu, Erza Selimi, Fetije Jashari, Maida Avdiu, Elda Qerimi. Koordinator i shfaqjes ishte Burim Emini, ndri\u00e7imi i Xhemal Hasanit, skenografin\u00eb e ka p\u00ebrgatitur Petrit Bakalli e Elda Qerimi, kostumet Adelin\u00eb Mziu, mjesht\u00ebr i tonit dhe muzik\u00ebs Skender Halimi, pun\u00ebtor skene Ibrahim Nuredini e Goran Gjorgjeviq, kurse drejtor Kujtim Sadriu.<\/p>\n
Shfaqja \u00ebsht\u00eb mir\u00ebpritur nga publiku dhe publiku n\u00eb fund i ka duartrokitur gjat\u00eb e n\u00eb fund t\u00eb shfaqjes, drejtori Kujtim Sadriu ka nderuar me mir\u00ebnjohje Mexhid Mehmetin me titullin mjesht\u00ebr i pen\u00ebs.<\/p>\n
Ndryshe, Kujtim Sadriu, drejtor, ka th\u00ebn\u00eb se kyu projekt do t\u00eb reprizohet p\u00ebrgjat\u00eb vitit 2023 dhe se kjo shfaqje \u00ebsht\u00eb shfaqja me trup\u00eb m\u00eb t\u00eb madhe, e b\u00ebr\u00eb n\u00eb Sht\u00ebpin\u00eb e Kultur\u00ebs dhe Teatrin e Qytetit n\u00eb Preshev\u00eb. Ai ka ka fal\u00ebnderuar kryetarin e Komun\u00ebs Shqiprim Arifi , i cili dha mb\u00ebshtetje t\u00eb pa rezerv\u00eb. \/kryelajmi.com\/.
\n<\/a><\/p>\n