\n
![\"\"](\"https:\/\/radiostargjilan.com\/web\/wp-content\/uploads\/2018\/05\/604DD6FB-8288-4C26-9847-4BD0D1F580CB.jpeg\")
<\/a>\nM\u00eb kujtohen shum\u00eb gj\u00ebra p\u00ebr jet\u00ebn t\u00ebnde. As tri pjes\u00eb nuk jan\u00eb t\u00eb mjaftueshme p\u00ebr ta p\u00ebrshkruar shpirtin t\u00ebnd, p\u00ebr t\u00eb kujtuar banor\u00ebt q\u00eb jetonin n\u00eb gjirin t\u00ebnd. Pos sht\u00ebpive me qeremidhe, me trapazana, me mullirin me rrym\u00eb, q\u00eb bluante krunde per poqarin, i cili punonte tava dhe k\u00ebnata (shtamba) p\u00ebr tregun \u2013 ku malishevalit\u00eb me kotllajka shitnin kos, per policin Zeq\u00eb qe voziste motorin, BM\u00eb.
\nKujtimet e mia flasin edhe p\u00ebr bot\u00ebn intelektuale q\u00eb kjo m\u00ebhall\u00eb ia dha qytetit, duke ia pasuruar shpirtin.
\nAh Gilan, ah Beglerm\u00ebhall\u00eb, ti qytetit i ke dh\u00ebn\u00eb shum\u00eb drejtor\u00eb n\u00eb l\u00ebmi t\u00eb ndryshme: Mulla Tefik Jakupin, q\u00eb ishte drejtor shkolle me 1953, Rexhep Jakupin, i cili ishte drejtor n\u00eb Shkollen Ekonomike, Muzafer Gjinollin n\u00eb Radio Gilan, Fahredin Bexhetin n\u00eb Kombinatin e Tekstilit \u201cIntegj\u201d, Ibrahim Morinen n\u00eb \u201cHigjien\u00eb\u201d. Nd\u00ebrsa, Sebahadini i xha Abdurrahmanit nga Dob\u00ebr\u00e7ani, me 1985, ishte drejtor i Sh\u00ebndet\u00ebsis\u00eb s\u00eb Kosov\u00ebs n\u00eb Prishtin\u00eb.
\nAh Beglerm\u00ebhall\u00eb, ti e ke dh\u00ebn\u00eb Fahredin Bexhetin kryetar qyteti, djali tjet\u00ebr i Servet t\u00eb xha Hysenit ishte drejtor ne Kombinatin e Duhanit \u201cBoris Kidri\u00e7\u201d. Sabit Jakupi ishte kryetar i Lidhjes Socialiste n\u00eb nivel komune. Njer\u00ebzit t\u00eb rritur n\u00eb k\u00ebt\u00eb lagje i soll\u00ebn energji, vrull e pozitivitet jet\u00ebs n\u00eb Gilanin tim. Aty, te tregu, ne femij\u00ebt luanim futboll, pos t\u00eb shtuneve kur ishte dit\u00eb tregu. Aty shikonim se si mulla Ahmeti nxirrte dh\u00ebmb\u00eb te f\u00ebmij\u00ebt e te t\u00eb rriturit, q\u00eb kishin probleme; se si bekrit\u00eb (njer\u00ebz elegant\u00eb, pedant\u00eb, t\u00eb past\u00ebsr e t\u00eb veshur bukur \u2013 zotnit\u00eb) shkonin te kafeneja e Vllada Bikut. Te \u00e7ezmja af\u00ebr kadastrit flladiteshim dhe shikonin gilanlit\u00eb si luanin biliardo n\u00eb klubin \u201cZvezda\u201d. Jashari i Mulla Ahmetit n\u00eb vitet e 50 ishte drejtor shkolle.
\nBeglerm\u00ebhall\u00eb, ti Gjilanit i dhe njer\u00ebz t\u00eb kultures q\u00eb formuan Shoqat\u00ebn \u201cDrita\u201d dhe \u201cYeni hayat\u201d, me 1948, ku Qamil Beg Gjinolli, Hasan Bunjaku e Jashar Jashari ishin aktor\u00eb n\u00eb dramat \u201cGjaku vlon\u201d, \u201cNj\u00eb burre per dy gra\u201d dhe n\u00eb dram\u00ebn turke \u201cAY buluyor\u201d. Ti lagje e bekuar, ke dh\u00ebn\u00eb Traja Neshiqin, i cili p\u00ebrveq gjuh\u00ebn serbe fliste per mrekulli gjuh\u00ebn shqipe dhe turke, q\u00eb me Faik Hetemin pergatiti shum\u00eb skena dramatike p\u00ebr Teatrin e Gjilanit. Me t\u00eb kisha shum\u00eb biseda, sikur me Faikun rreth p\u00ebrjetimeve me rastin e festivaleve n\u00eb Kull\u00eb dhe Trebinje.
\nAh Gilan, ah zaman, ah Beglerm\u00ebhall\u00eb! Ah Gjilan, ah koh\u00eb, ah lagje e t\u00eb dalluarve! Me rinin\u00eb t\u00ebnde kontribuove shum\u00eb n\u00eb sport. Mita \u201cpopi\u201d ishte futbollist i KF \u201cCrvena Zvezda\u201d, Raif dhe Ymer Berisha luanin per KF \u201cDrita\u201d dhe KF \u201cC.Zvezda\u201d, Reqki Ahmeti luante p\u00ebr KF \u201cC. Zvezda\u201d n\u00eb vitet e 50-ta s\u00eb bashku me Hysein Saliqaven. Sadulla \u00c7erkezi luante p\u00ebr \u201c\u00c7iflik\u201d m\u00ebhall\u00ebn dhe \u201cDrit\u00ebn\u201d, ne vitet e 50-ta.
\nTi Beglerm\u00ebhall\u00eb ke dh\u00ebn\u00eb Fahretin Gjinollin q\u00eb mbronte n\u00eb port\u00ebn e KH \u201cBozhuri\u201d dhe KH \u201cBorci\u201d i Ferizajt, nd\u00ebrsa Enver Gjinolli dha kontribut shum\u00eb t\u00eb madh n\u00eb masovizimin dhe kultivimin e futbollit, hentbollit dhe volejbollit, si trajner i dalluar. N\u00eb koh\u00ebn e Enver Gjinollit, sporti \u00e7do dit\u00eb ecte p\u00ebrara. Ne f\u00ebmij\u00ebt nuk l\u00ebshonim asnj\u00eb loj\u00eb pa e p\u00ebrcjellur, n\u00eb radh\u00eb t\u00eb par\u00eb n\u00eb futboll dhe hentboll. Nd\u00ebrsa sporti i boksit p\u00ebr banor\u00ebt e k\u00ebsaj m\u00ebhalle ishte sport i huaj, pasi konsiderohej johuman.
\nNga kjo lagje kishte talent\u00eb t\u00eb sportit. K\u00ebshtu, Tajar Berisha luante futboll p\u00ebr reprezentacionin e t\u00eb rinj\u00ebve t\u00eb Jugosllavis\u00eb.<\/p>\n
Ah Beglerm\u00ebhall\u00eb! Si mund t\u00eb harrohen dr. Aleksand\u00ebr Gjokiqi, q\u00eb gilanasit flisnin fjal\u00eb mir\u00ebnjoh\u00ebse p\u00ebr angazhimin e tij dhe sjelljet e mira ndaj gilanas\u00ebve. Te ky doktor dera e sht\u00ebpis\u00eb s\u00eb tij p\u00ebr t\u00eb s\u00ebmur\u00ebt ishte e hapur 24 or\u00eb. Nuk kishte f\u00ebmij\u00eb, por e kishte shpirtin e madh.
\nNe k\u00ebt\u00eb lagje u lind kolosi i mjek\u00ebsis\u00eb, Nusret Zijabeg, q\u00eb u shp\u00ebrngul n\u00eb Prishtin\u00eb dhe ka djalin dr. Denisin. Nd\u00ebrsa, dr. Sllobodan Raj\u00e7iq, pediat\u00ebr, ishte shef i dispanzerit p\u00ebr f\u00ebmij\u00eb. Me te kam punuar si mjek vite t\u00eb t\u00ebra. Me te ishim mjek\u00ebt kryesor t\u00eb kampionatit bot\u00ebror p\u00ebr femra t\u00eb reja, t\u00eb mbajtur n\u00eb Gjilan.
\nBeglerm\u00ebhall\u00eb, ti ke dh\u00ebn\u00eb neurokirurgin Talat Gjinollin, q\u00eb \u00ebsht\u00eb f\u00ebmija i m\u00ebsuesve Didare dhe Muamer Gjinollit. Te gjeneratat e reja duhet t\u00eb permendet Salije Rexhepi, vajza e mesuesit Sadullah \u00c7erkezit, si dhe nx\u00ebn\u00ebsen time, stomatologen \u2013 Teuta Morina.
\nAh\u2026! Nuk po kam koh\u00eb n\u00eb dispozicion t\u00eb zhytem thell\u00eb e t\u00eb k\u00ebkroj hormonet e disponimit dhe inspirimit p\u00ebr k\u00ebt\u00eb m\u00ebhall\u00eb!<\/p>\n
![\"\"](\"https:\/\/radiostargjilan.com\/web\/wp-content\/uploads\/2018\/05\/01BC6F5F-871E-4879-8051-30D61CE540B8.jpeg\")
<\/a>