{"id":175103,"date":"2024-07-03T20:45:42","date_gmt":"2024-07-03T18:45:42","guid":{"rendered":"https:\/\/radiostargjilan.com\/web\/?p=175103"},"modified":"2024-07-03T20:45:42","modified_gmt":"2024-07-03T18:45:42","slug":"mashti-del-me-sqarim-rreth-renies-se-numrit-te-nxenesve-qe-iu-nenshtruan-testit-te-matures","status":"publish","type":"post","link":"https:\/\/radiostargjilan.com\/web\/mashti-del-me-sqarim-rreth-renies-se-numrit-te-nxenesve-qe-iu-nenshtruan-testit-te-matures\/","title":{"rendered":"MAShT\u2019i del me sqarim rreth r\u00ebnies s\u00eb numrit t\u00eb nx\u00ebn\u00ebsve q\u00eb iu n\u00ebnshtruan testit t\u00eb matur\u00ebs"},"content":{"rendered":"

Ministria e Arsimit, Shkenc\u00ebs, Teknologjis\u00eb dhe Inovacionit ka dal\u00eb me nj\u00eb sqarim pas publikimit t\u00eb fundit t\u00eb t\u00eb dh\u00ebnave q\u00eb tregojn\u00eb se ka r\u00ebnie lidhur me numrin e nx\u00ebn\u00ebsve q\u00eb iu n\u00ebnshtruan Testit t\u00eb Matur\u00ebs, pas p\u00ebrfundimit t\u00eb shkoll\u00ebs s\u00eb mesme t\u00eb lart\u00eb.<\/p>\n

N\u00eb qershorin e vitit 2014 provimit t\u00eb matur\u00ebs i jan\u00eb n\u00ebnshtruar 42,052 maturant\u00eb, nd\u00ebrsa n\u00eb qershorin e vitit 2024 ky num\u00ebr ka r\u00ebn\u00eb n\u00eb 18,285, q\u00eb paraqet nj\u00eb zvog\u00eblim prej 56.5%.<\/p>\n

N\u00eb sqarimin e MASHTI\u2019it thuhet se nga t\u00eb dh\u00ebnat n\u00eb SMIA n\u00eb vitin 2014 n\u00eb sistem jan\u00eb t\u00eb regjistruar 27.544 nx\u00ebn\u00ebs n\u00eb klas\u00ebn e 12, kurse n\u00eb vitin 2024 jan\u00eb 20.725, e q\u00eb k\u00ebto t\u00eb dh\u00ebna, sipas tyre, paraqesin diferenc\u00ebn e sakt\u00eb brenda periudh\u00ebs s\u00eb lart\u00ebcekur.<\/p>\n

\u201cSa i p\u00ebrket krahasimit nd\u00ebrmjet numrit t\u00eb nx\u00ebn\u00ebsve q\u00eb kan\u00eb hyr\u00eb n\u00eb test n\u00eb vitin 2014, MAShTI njofton se, p\u00ebrve\u00e7 maturant\u00ebve t\u00eb klasave t\u00eb 12-ta, Testit t\u00eb Matur\u00ebs n\u00eb vitin 2014, i jan\u00eb n\u00ebnshtruar edhe maturant\u00ebt e klasave t\u00eb 13-ta, pasi viti shkollor 2013\/2014 ka qen\u00eb viti i fundit q\u00eb n\u00eb sistemin arsimor t\u00eb Kosov\u00ebs ka ekzistuar edhe klasa e 13-t\u00eb\u201d.<\/p>\n

MAShTI po ashtu rikujton se, deri m\u00eb 2016 nx\u00ebn\u00ebsit nuk kan\u00eb marr\u00eb diplom\u00ebn pa e kaluar Provimin e Matur\u00ebs, andaj edhe interesimi i nx\u00ebn\u00ebsve q\u00eb nuk arrinin t\u00eb kalonin testin ka qen\u00eb duksh\u00ebm me i madh p\u00ebr t\u00eb hyr\u00eb n\u00eb vitin vijues, duke b\u00ebr\u00eb q\u00eb numri i maturant\u00ebve t\u00eb cil\u00ebt i jan\u00eb n\u00ebnshtruar testit t\u00eb jet\u00eb m\u00eb i madh.<\/p>\n

\u201cPas ndryshimit t\u00eb Ligjit p\u00ebr Provimin e Matur\u00ebs Shtet\u00ebrore n\u00eb vitin 2016, sipas t\u00eb cilit nx\u00ebn\u00ebsit pas mbarimit t\u00eb shkollimit t\u00eb mes\u00ebm t\u00eb lart\u00eb pajisen me diplom\u00eb, kurse me kalimin e Provimit t\u00eb Matur\u00ebs marrin certifikat\u00ebn e matur\u00ebs, interesimi i disa nx\u00ebn\u00ebsve, sidomos atyre t\u00eb arsimit profesional p\u00ebr t\u2019iu n\u00ebnshtruar testimit ka r\u00ebn\u00eb.<\/p>\n

<\/p>\n
\"\"<\/div>\n

<\/ins><\/div>\n

K\u00ebt\u00eb vit shkollor numri i nx\u00ebn\u00ebsve t\u00eb cil\u00ebt kan\u00eb p\u00ebrfunduar shkollimin e mes\u00ebm t\u00eb lart\u00eb \u00ebsht\u00eb m\u00eb i lart\u00eb sesa numri i nx\u00ebn\u00ebsve t\u00eb cil\u00ebt kan\u00eb hyr\u00eb n\u00eb provim, nd\u00ebrsa diferenca brenda periudh\u00ebs dhjet\u00ebvje\u00e7are \u00ebsht\u00eb edhe p\u00ebr shkak t\u00eb r\u00ebnies s\u00eb numrit t\u00eb nx\u00ebn\u00ebsve n\u00eb p\u00ebrgjith\u00ebsi\u201d, thuhet n\u00eb sqarimin e tyre.<\/p>\n