{"id":187582,"date":"2024-12-10T22:18:51","date_gmt":"2024-12-10T21:18:51","guid":{"rendered":"https:\/\/radiostargjilan.com\/web\/?p=187582"},"modified":"2024-12-10T22:18:51","modified_gmt":"2024-12-10T21:18:51","slug":"abdixhiku-te-gjitha-magjistralet-kryesore-kryhen-brenda-3-viteve","status":"publish","type":"post","link":"https:\/\/radiostargjilan.com\/web\/abdixhiku-te-gjitha-magjistralet-kryesore-kryhen-brenda-3-viteve\/","title":{"rendered":"Abdixhiku: T\u00eb gjitha magjistralet kryesore kryhen brenda 3 viteve"},"content":{"rendered":"

Kreu i LDK-s\u00eb, Lumir Abdixhiku, prezantoi sot n\u00eb Mitrovic\u00eb programin e partis\u00eb p\u00ebr infrastruktur\u00eb dhe energji, duke theksuar projektet ambicioze q\u00eb do t\u00eb transformojn\u00eb Kosov\u00ebn.<\/strong><\/p>\n

Ai n\u00ebnvizoi se \u00ebsht\u00eb koha q\u00eb Kosova t\u00eb ec\u00eb me hapa t\u00eb shpejt\u00eb p\u00ebr t\u00eb kap\u00ebrcyer vonesat dhe t\u00eb arrij\u00eb standardet e vendeve t\u00eb zhvilluara europiane.<\/p>\n

Abdixhiku tha se n\u00eb fush\u00ebn e infrastruktur\u00ebs do t\u00eb investohet p\u00ebr nd\u00ebrtimin e rrug\u00ebve kryesore, p\u00ebrfshir\u00eb magjistralet Prishtin\u00eb-Podujev\u00eb dhe Prishtin\u00eb-Mitrovic\u00eb, nd\u00ebrsa do t\u00eb vazhdojn\u00eb projektet rajonale si Autostrada e Anamorav\u00ebs dhe Unaza e Jashtme e Kryeqytetit.<\/div>\n

N\u00eb fush\u00ebn e energjis\u00eb, ai theksoi nd\u00ebrtimin e nj\u00eb centrali t\u00eb ri me gaz p\u00ebr stabilitet energjetik, gazifikimin e Kosov\u00ebs, si dhe investime n\u00eb energjin\u00eb e rip\u00ebrt\u00ebritshme.<\/p>\n

Abdixhiku premtoi gjithashtu p\u00ebrmir\u00ebsime p\u00ebr leht\u00ebsimin e barr\u00ebs financiare p\u00ebr qytetar\u00ebt, si dhe dyfishimin e projekteve t\u00eb kogjenerimit n\u00eb Prishtin\u00eb dhe Obiliq.<\/div>\n

Postimi i plot\u00eb:<\/strong><\/p>\n

Mes interesimit t\u00eb madh t\u00eb qytetar\u00ebve p\u00ebr program, sot, n\u00eb Mitrovic\u00eb prezantuam programin ton\u00eb ambicioz p\u00ebr Infrastruktur\u00eb dhe Energji!<\/p>\n

Prezantuam projekte t\u00eb m\u00ebdha q\u00eb do ta transformojn\u00eb Kosov\u00ebn dhe do ta shnd\u00ebrrojn\u00eb at\u00eb n\u00eb model t\u00eb zhvillimit rajonal \u2013 me rrjet rrugor t\u00eb zhvilluar q\u00eb lidh qytete e q\u00eb krijon mund\u00ebsi t\u00eb reja, dhe me sistem energjetik t\u00eb q\u00ebndruesh\u00ebm dhe m\u00eb t\u00eb past\u00ebr.<\/p>\n

Kosova duhet t\u00eb l\u00ebviz\u00eb p\u00ebrpara me hapa t\u00eb shpejt\u00eb, sepse nuk mund t\u00eb q\u00ebndrojm\u00eb t\u00eb fundit n\u00eb Europ\u00eb! \u00cbsht\u00eb koha t\u00eb ecim me hapa t\u00eb sigurt drejt nj\u00eb t\u00eb ardhme ku standardet tona t\u00eb jet\u00ebs jan\u00eb si t\u00eb \u00e7do vendi t\u00eb zhvilluar Europian!
\nPrandaj, me mua si Kryeminist\u00ebr, n\u00eb Infrastruktur\u00eb dhe Energji do t\u00eb kemi:<\/p>\n

\ud83d\udd35 N\u00eb Infrastruktur\u00eb:
\n* P\u00ebrfundimin e t\u00eb gjitha magjistraleve kryesore, duke p\u00ebrfshir\u00eb Prishtin\u00eb-Podujev\u00eb me investim 50 milion\u00eb euro dhe Prishtin\u00eb-Mitrovic\u00eb me investim 30 milion\u00eb euro.
\n* P\u00ebrfundimin e Autostrad\u00ebs s\u00eb Anamorav\u00ebs, q\u00eb lidh Prishtin\u00ebn me Gjilanin dhe Dheun e Bardh\u00eb, me nj\u00eb investim prej 170 milion\u00eb eurosh.
\n* Nd\u00ebrtimin e Unaz\u00ebs s\u00eb Jashtme t\u00eb Kryeqytetit, nj\u00eb projekt me vler\u00eb totale prej 350 milion\u00eb eurosh, p\u00ebr ta leht\u00ebsuar trafikun dhe rritur efikasitetin n\u00eb kryeqytet.
\n* Vazhdimin e Autostrad\u00ebs \u201cIbrahim Rugova\u201d deri n\u00eb Merdar\u00eb, me kosto prej 150 milion\u00eb eurosh si pjes\u00eb e investimeve rajonale t\u00eb BE-s\u00eb.
\n* Nd\u00ebrtimin e 200 vendndalesave p\u00ebr autobus\u00eb dhe vetura n\u00eb rrug\u00ebt rajonale me investim 10 milion\u00eb euro.<\/p>\n

\ud83d\udd35 N\u00eb Energji:
\n* Nd\u00ebrtimin e nj\u00eb Centrali me Gaz prej 500 MW p\u00ebr tranzicion dhe stabilitet energjetik me investim prej 500 milion\u00eb eurosh.
\n* Gazifikimin e Kosov\u00ebs p\u00ebr ngrohje qendrore dhe industri, me linj\u00eb furnizimi prej Hanit t\u00eb Elezit deri n\u00eb Mitrovic\u00eb (120 milion\u00eb euro).
\n* Kapacitet t\u00eb ri prej 1000 MW t\u00eb energjis\u00eb s\u00eb rip\u00ebrt\u00ebritshme nga parqet solare dhe t\u00eb er\u00ebs brenda 4 vitesh.
\n* Infrastruktur\u00eb rezerv\u00eb p\u00ebr ruajtjen e energjis\u00eb elektrike p\u00ebrmes hidrocentraleve reversibile dhe baterive me investim 50 milion\u00eb euro nga buxheti shtet\u00ebror dhe 250 milion\u00eb euro nga kompani private.
\n* Eliminimin e TVSH-s\u00eb p\u00ebr energjin\u00eb elektrike p\u00ebr ta leht\u00ebsuar barr\u00ebn financiare mbi familjet kosovare.
\n* Planin Komb\u00ebtar p\u00ebr Vetura Elektrike i cili eliminon t\u00eb gjitha obligimet doganore dhe tatimore p\u00ebr regjistrimin e veturave elektrike n\u00eb vend.
\n* Dyfishimin e projektit t\u00eb kogjenerimit n\u00eb Prishtin\u00eb dhe Obiliq me investim 120 milion\u00eb euro.
\nMe mua si Kryeminist\u00ebr, me ekipin tim t\u00eb d\u00ebshmuar dhe me programin ton\u00eb \u2018Rruga e Re\u2019, Kosova do ta ket\u00eb nj\u00eb infrastruktur\u00eb rrugore moderne dhe nj\u00eb sistem energjetik stabil p\u00ebr nj\u00eb ardhme t\u00eb q\u00ebndrueshme.<\/p>\n