{"id":215763,"date":"2025-10-01T21:42:34","date_gmt":"2025-10-01T19:42:34","guid":{"rendered":"https:\/\/radiostargjilan.com\/web\/?p=215763"},"modified":"2025-10-01T21:42:34","modified_gmt":"2025-10-01T19:42:34","slug":"basha-1-tetori-i-vitit-1997-shenoi-kthesen-e-madhe","status":"publish","type":"post","link":"https:\/\/radiostargjilan.com\/web\/basha-1-tetori-i-vitit-1997-shenoi-kthesen-e-madhe\/","title":{"rendered":"Basha: 1 tetori i vitit 1997 sh\u00ebnoi kthes\u00ebn e madhe"},"content":{"rendered":"
\n
\n
\n
\n
\n
\n
\n
\n
\n

<\/h2>\n<\/div>\n
\n

Kryetari i Kuvendit t\u00eb Kosov\u00ebs, Dimal Basha, tha se 1 tetori i vitit 1997 sh\u00ebnoi kthes\u00ebn e madhe.<\/strong><\/p>\n

“1 tetori, q\u00eb prej themelimit t\u00eb Universitetit t\u00eb Prishtin\u00ebs, ishte dita e fillimit t\u00eb vitit t\u00eb ri akademik. Por nga viti 1990, kur profesor\u00ebt e student\u00ebt shqiptar\u00eb u p\u00ebrjashtuan dhunsh\u00ebm nga hap\u00ebsirat universitare nga regjimi fashist i Milloshevi\u00e7it, viti akademik nuk zhvillohej m\u00eb n\u00eb amfiteatrot e Universitetit, por n\u00ebp\u00ebr sht\u00ebpi e lokale private t\u00eb shnd\u00ebrruara n\u00eb klasa. M\u00eb 1 tetor 1997, student\u00ebt dhe profesor\u00ebt zgjodh\u00ebn q\u00eb dita e par\u00eb e vitit t\u00eb ri akademik t\u00eb sh\u00ebnohej me nj\u00eb akt, i cili u b\u00eb rrethan\u00eb e \u00e7muar me ndikim t\u00eb madh historik: protestat studentore q\u00eb trondit\u00ebn Kosov\u00ebn, e b\u00ebn\u00eb edhe bot\u00ebn t\u00eb shihte me sy t\u00eb lir\u00eb shtypjen n\u00eb t\u00eb gjitha sferat jet\u00ebsore q\u00eb ushtrohej ndaj shqiptar\u00ebve”, shkroi Basha n\u00eb ‘Facebook’.<\/p>\n

Sipas tjj, at\u00eb dit\u00eb, t\u00eb prir\u00eb nga Rektori Ejup Statovci, bashk\u00eb me profesor\u00eb dhe mij\u00ebra student\u00eb, vala e student\u00ebve u nis nga lagjja Velania p\u00ebr n\u00eb kampusin universitar.<\/p>\n

“Marshimi i tyre u p\u00ebrball me kordone t\u00eb hekurta t\u00eb policis\u00eb serbe, q\u00eb reaguan me dhun\u00eb brutale, me rrahje e arrestime, por pa mundur ta zbehin q\u00ebndres\u00ebn e vendosm\u00ebrin\u00eb e asnj\u00ebrit protestues. N\u00eb mes t\u00eb dhun\u00ebs, para syve t\u00eb gazetar\u00ebve nga gjith\u00eb bota, student\u00ebt e Universitetit t\u00eb Prishtin\u00ebs e ngrit\u00ebn z\u00ebrin e nj\u00eb kombi t\u00eb t\u00ebr\u00eb q\u00eb k\u00ebrkonte dije, barazi e liri. Si i till\u00eb, 1 tetori i vitit 1997 sh\u00ebnoi kthes\u00ebn e madhe. Regjimi shovinist sado q\u00eb rriste dhun\u00ebn, filloi t\u00eb l\u00ebkundej. Student\u00ebt n\u00eb k\u00ebmb\u00eb u b\u00ebn\u00eb pararend\u00ebs t\u00eb rrug\u00ebs q\u00eb \u00e7oi drejt organizimit t\u00eb m\u00ebtejm\u00eb popullor, daljes publike t\u00eb Ushtris\u00eb \u00c7lirimtare t\u00eb Kosov\u00ebs dhe \u00e7lirimit p\u00ebrfundimtar t\u00eb vendit ton\u00eb n\u00eb qershor t\u00eb vitit 1999. Sot, 28 vjet m\u00eb pas, kujtojm\u00eb me nderim dhe mir\u00ebnjohje t\u00eb gjith\u00eb ata q\u00eb mor\u00ebn pjes\u00eb n\u00eb protest\u00eb, duke e b\u00ebr\u00eb meritorisht 1 tetorin dit\u00eb t\u00eb student\u00ebve dhe nj\u00eb nga datat m\u00eb dometh\u00ebn\u00ebse t\u00eb rrug\u00ebtimit ton\u00eb p\u00ebr liri. Nderime t\u00eb gjith\u00eb pjes\u00ebmarr\u00ebsve t\u00eb protestave t\u00eb 1 tetorit 1997!. Nderime p\u00ebr t\u00eb gjith\u00eb personelin akademik t\u00eb koh\u00ebs me n\u00eb krye rektorin Ejup Statovci!”, tha ai.<\/p>\n