{"id":225525,"date":"2026-01-14T10:59:19","date_gmt":"2026-01-14T09:59:19","guid":{"rendered":"https:\/\/radiostargjilan.com\/web\/?p=225525"},"modified":"2026-01-14T10:59:19","modified_gmt":"2026-01-14T09:59:19","slug":"reduktimet-e-rrymes-kesco-sistemi-elektroenergjetik-ne-situate-te-jashtezakonshme","status":"publish","type":"post","link":"https:\/\/radiostargjilan.com\/web\/reduktimet-e-rrymes-kesco-sistemi-elektroenergjetik-ne-situate-te-jashtezakonshme\/","title":{"rendered":"Reduktimet e rrym\u00ebs, KESCO: Sistemi elektroenergjetik n\u00eb situat\u00eb t\u00eb jasht\u00ebzakonshme"},"content":{"rendered":"

Vendi sot po p\u00ebrballet me reduktime t\u00eb energjis\u00eb elektrike.<\/p>\n

KESCO n\u00eb nj\u00eb njoftim p\u00ebr media thekson se sistemi elektroenergjetik \u00ebsht\u00eb duke u p\u00ebrballur me nj\u00eb situat\u00eb t\u00eb jasht\u00ebzakonshme, si pasoj\u00eb e rritjes s\u00eb ndjeshme t\u00eb konsumit t\u00eb energjis\u00eb elektrike, e cila aktualisht nuk mund t\u00eb mbulohet plot\u00ebsisht nga prodhimi vendor.<\/p>\n

\u201cP\u00ebr shkak t\u00eb k\u00ebsaj rritjeje, KESCO \u00ebsht\u00eb e detyruar t\u00eb siguroj\u00eb rreth 50% t\u00eb energjis\u00eb elektrike p\u00ebrmes importit, n\u00eb kushte shum\u00eb t\u00eb v\u00ebshtira t\u00eb tregut rajonal dhe nd\u00ebrkomb\u00ebtar. Aktualisht, kapacitetet nd\u00ebrkufitare jan\u00eb t\u00eb kufizuara dhe kjo po krijon presion t\u00eb madh n\u00eb sigurimin e sasive t\u00eb nevojshme. Furnizuesi ka vepruar dhe vazhdon t\u00eb veproj\u00eb me p\u00ebrgjegj\u00ebsi t\u00eb plot\u00eb, duke nd\u00ebrmarr\u00eb t\u00eb gjitha p\u00ebrpjekjet e nevojshme p\u00ebr mbulimin e nominimeve t\u00eb energjis\u00eb elektrike, si p\u00ebrmes kontratave bilaterale, ashtu edhe p\u00ebrmes tregtimit nj\u00eb dit\u00eb para dhe ofertave brenda-ditore. Megjithat\u00eb, p\u00ebr shkak t\u00eb realitetit aktual t\u00eb tregut dhe kufizimeve nd\u00ebrkufitare, ku kufiri Kosov\u00eb\u2013Serbi nuk \u00ebsht\u00eb funksional n\u00eb aspektin komercial, nd\u00ebrsa kufijt\u00eb me Malin e Zi dhe Maqedonin\u00eb e Veriut kan\u00eb kapacitete t\u00eb kufizuara q\u00eb nuk mjaftojn\u00eb p\u00ebr t\u00eb mbuluar t\u00eb gjith\u00eb k\u00ebrkes\u00ebn e vendit, sigurimi i energjis\u00eb elektrike sipas nevoj\u00ebs reale mbetet i v\u00ebshtir\u00eb\u201d, thuhet n\u00eb njoftim.<\/p>\n

\n
\n
<\/p>\n
KESCO tutje njofton se tregu ALPEX, p\u00ebr shkak t\u00eb likuiditetit t\u00eb kufizuar n\u00eb k\u00ebto dit\u00eb me k\u00ebrkes\u00eb t\u00eb lart\u00eb, nuk ka ofruar sasi t\u00eb mjaftueshme t\u00eb energjis\u00eb elektrike, duke e b\u00ebr\u00eb t\u00eb pamundur mbulimin e plot\u00eb t\u00eb nevojave vet\u00ebm p\u00ebrmes k\u00ebtij mekanizmi tregtar.<\/p>\n
\n
<\/div>\n<\/div>\n

\u201cN\u00eb k\u00ebt\u00eb kontekst, KESCO ndien obligim t\u00eb informoj\u00eb me transparenc\u00eb konsumator\u00ebt p\u00ebr situat\u00ebn reale dhe arsyet objektive q\u00eb kan\u00eb \u00e7uar n\u00eb aplikimin e kufizimeve me energji elektrike sipas nevoj\u00ebs, me q\u00ebllim t\u00eb ruajtjes s\u00eb siguris\u00eb dhe stabilitetit elektroenergjetik. KESCO mbetet e p\u00ebrkushtuar q\u00eb, n\u00eb bashk\u00ebpunim me institucionet p\u00ebrgjegj\u00ebse, t\u00eb b\u00ebj\u00eb \u00e7do p\u00ebrpjekje p\u00ebr sigurimin e energjis\u00eb elektrike dhe p\u00ebr minimizimin e ndikimit te konsumator\u00ebt, duke i fal\u00ebnderuar ata p\u00ebr mir\u00ebkuptimin n\u00eb k\u00ebto rrethana t\u00eb jasht\u00ebzakonshme\u201d, thuhet n\u00eb njoftim.<\/p>\n