{"id":235761,"date":"2026-06-08T15:11:23","date_gmt":"2026-06-08T13:11:23","guid":{"rendered":"https:\/\/radiostargjilan.com\/web\/?p=235761"},"modified":"2026-06-08T15:11:23","modified_gmt":"2026-06-08T13:11:23","slug":"osmani-ne-zgjedhje-hyra-per-ta-ringritur-ldkne-emri-im-sdo-te-jete-pengese-per-formimin-e-institucioneve","status":"publish","type":"post","link":"https:\/\/radiostargjilan.com\/web\/osmani-ne-zgjedhje-hyra-per-ta-ringritur-ldkne-emri-im-sdo-te-jete-pengese-per-formimin-e-institucioneve\/","title":{"rendered":"Osmani: N\u00eb zgjedhje hyra p\u00ebr ta ringritur LDK\u2019n\u00eb, emri im s\u2019do t\u00eb jet\u00eb penges\u00eb p\u00ebr formimin e institucioneve"},"content":{"rendered":"

Vjosa Osmani, e cila garoi me Lidhjen Demokratike t\u00eb Kosov\u00ebs si \u201ckandidate p\u00ebr Presidente\u201d i ka fal\u00ebnderuar votuesit, nd\u00ebrsa tha se rezultati q\u00eb e mori dje partia m\u00eb e vjet\u00ebr n\u00eb vend \u201cnuk \u00ebsht\u00eb fundi i nj\u00eb gare\u201d, por \u201cvazhdimi i nj\u00eb misioni\u201d.<\/p>\n

Nd\u00ebrsa paralajm\u00ebroi se me LDK-n\u00eb \u201crruga vazhdon\u201d dhe se n\u00eb zgjedhje mori pjes\u00eb p\u00ebr ta ringritur k\u00ebt\u00eb parti, ajo tha se s\u2019do t\u00eb b\u00ebhet \u201cpenges\u00eb n\u00eb krijimin e institucioneve\u201d.<\/p>\n

\u201cT\u00eb dashur qytetar\u00eb t\u00eb Kosov\u00ebs, t\u00eb dashur mb\u00ebshtet\u00ebs e votues t\u00eb LDK-s\u00eb, Nga zemra, ju faleminderit. Faleminderit p\u00ebr mund\u00ebsin\u00eb q\u00eb na dhat\u00eb, p\u00ebr \u00e7do vot\u00eb, p\u00ebr \u00e7do fjal\u00eb inkurajuese, p\u00ebr \u00e7do dor\u00eb t\u00eb shtrir\u00eb dhe p\u00ebr \u00e7do hap q\u00eb e b\u00ebt\u00eb bashk\u00eb me ne n\u00eb k\u00ebt\u00eb rrug\u00ebtim. Gjat\u00eb k\u00ebtyre jav\u00ebve e muajve, pat\u00ebm nderin t\u00eb takonim mij\u00ebra qytetar\u00eb anemban\u00eb Kosov\u00ebs. D\u00ebgjuam shqet\u00ebsimet tuaja, \u00ebndrrat tuaja dhe shpres\u00ebn tuaj p\u00ebr nj\u00eb vend m\u00eb t\u00eb zhvilluar, m\u00eb t\u00eb integruar dhe m\u00eb t\u00eb bashkuar. Kjo shpres\u00eb ishte forca jon\u00eb m\u00eb e madhe. Ndihemi mir\u00ebnjoh\u00ebs p\u00ebr secilin prej jush q\u00eb besoi se politika mund t\u00eb jet\u00eb dinjitoze, se debati mund t\u00eb jet\u00eb i civilizuar dhe se e ardhmja mund t\u00eb nd\u00ebrtohet mbi vlera, dije dhe p\u00ebrgjegj\u00ebsi. Faleminderit t\u00eb rinjve q\u00eb na dhan\u00eb energji, grave q\u00eb na dhan\u00eb forc\u00eb, m\u00ebrgat\u00ebs q\u00eb nuk e harroi atdheun dhe \u00e7do qytetari q\u00eb doli n\u00eb votime duke besuar n\u00eb demokraci\u201d, shkroi ajo n\u00eb fillim t\u00eb nj\u00eb postimi n\u00eb Facebok.<\/p>\n

Rezultati q\u00eb e mori LDK-ja, ajo tha se nuk \u00ebsht\u00eb fundi i nj\u00eb gare. \u201c\u00cbsht\u00eb vazhdimi i nj\u00eb misioni. Nj\u00eb mision p\u00ebr t\u2019i sh\u00ebrbyer Kosov\u00ebs me p\u00ebrkushtim, me ndershm\u00ebri dhe me respekt p\u00ebr secilin qytetar, pa dallim\u201d.<\/p>\n

\u201cN\u00eb k\u00ebto zgjedhje kam marr\u00eb pjes\u00eb me q\u00ebllim q\u00eb t\u00eb ndihmoj n\u00eb ringritjen e LDK-s\u00eb dhe p\u00ebr t\u2019i dh\u00ebn\u00eb vendit mund\u00ebsi te riktheje balansat demokratike e t\u00eb krijoj\u00eb institucionet sa m\u00eb par\u00eb. N\u00eb k\u00ebt\u00eb drejtim, e ritheksoj at\u00eb q\u00eb e kam th\u00ebn\u00eb disa her\u00eb: emri im as nuk ka qen\u00eb, as nuk \u00ebsht\u00eb e as nuk do t\u00eb b\u00ebhet penges\u00eb n\u00eb krijimin e institucioneve. P\u00ebrkundrazi, i gjith\u00eb kontributi im do t\u00eb jet\u00eb i fokusuar vet\u00ebm n\u00eb daljen nga kriza dhe nd\u00ebrtimin e institucioneve t\u00eb cilat mbrojn\u00eb shtetin, demokracine, kushtetut\u00ebn dhe aleancat. Rruga vazhdon. Bashk\u00eb. \"\ud83e\udd0d\"\u201c, shkroi Osmani.<\/p>\n