{"id":236716,"date":"2026-06-19T13:23:35","date_gmt":"2026-06-19T11:23:35","guid":{"rendered":"https:\/\/radiostargjilan.com\/web\/?p=236716"},"modified":"2026-06-19T13:23:35","modified_gmt":"2026-06-19T11:23:35","slug":"kqz-afer-permbylljes-se-rinumerimit-kane-mbetur-edhe-nente-vendvotime","status":"publish","type":"post","link":"https:\/\/radiostargjilan.com\/web\/kqz-afer-permbylljes-se-rinumerimit-kane-mbetur-edhe-nente-vendvotime\/","title":{"rendered":"KQZ af\u00ebr p\u00ebrmbylljes s\u00eb rinum\u00ebrimit, kan\u00eb mbetur edhe n\u00ebnt\u00eb vendvotime"},"content":{"rendered":"

Komisioni Qendror i Zgjedhjeve (KQZ) ka njoftuar se procesi i rinum\u00ebrimit t\u00eb votave n\u00eb Qendr\u00ebn e Num\u00ebrimit dhe Rezultateve po shkon drejt p\u00ebrfundimit.<\/p>\n

Sipas t\u00eb dh\u00ebnave t\u00eb fundit t\u00eb KQZ-s\u00eb<\/a>, deri m\u00eb tani jan\u00eb rinum\u00ebruar 176 nga 185 vendvotimet e p\u00ebrfshira n\u00eb k\u00ebt\u00eb proces, nd\u00ebrsa kan\u00eb mbetur edhe n\u00ebnt\u00eb vendvotime p\u00ebr t\u2019u num\u00ebruar.<\/p>\n

\n
<\/div>\n<\/div>\n

KQZ-ja ka b\u00ebr\u00eb t\u00eb ditur se rinum\u00ebrimi i mbetur pritet t\u00eb p\u00ebrfundoj\u00eb gjat\u00eb s\u00eb premtes, duke i hapur rrug\u00eb p\u00ebrmbylljes s\u00eb nj\u00eb prej fazave t\u00eb r\u00ebnd\u00ebsishme t\u00eb administrimit zgjedhor.<\/p>\n

Sipas vendimit t\u00eb KQZ-s\u00eb, numri i vendvotimeve t\u00eb rinum\u00ebruara, 185, p\u00ebrb\u00ebn 7.41% t\u00eb 2,498 vendvotimeve t\u00eb rregullta, n\u00eb t\u00eb cilat \u00ebsht\u00eb zhvilluar votimi m\u00eb 7 qershor 2026.<\/p>\n

Numri i vendvotimeve, p\u00ebr t\u00eb cilat KQZ vendosi q\u00eb t\u00eb rinum\u00ebrohen, sipas komunave \u00ebsht\u00eb si n\u00eb vazhdim: De\u00e7an (4 vendvotime, 8.33%); Gjakov\u00eb (10, 6.94%); Gllogoc\/Drenas (5, 6.85%); Gjilan (9, 7.09%); Dragash (4, 7.02%); Istog (4, 6.67%); Ka\u00e7anik (3, 6.82%), Klin\u00eb (5, 8.06%); Fush\u00eb Kosov\u00eb (5, 8.06%); Kamenic\u00eb (3, 6.52%); Mitrovic\u00eb e Jugut (7, 7%); Leposaviq (2, 8%); Obiliq (3, 8.82%); Rahovec (5, 6.67%); Pej\u00eb (9, 6.67%); Poduejev\u00eb (7, 6.80%) Prishtin\u00eb (18, 6.87%); Prizreni (16, 6.90%); Sk\u00ebndera (5, 7.04%), Shtime (3, 9.09%) Sht\u00ebrpc\u00eb (2, 11.76%); Suharek\u00eb (6, 6.98%); Ferizaj (10, 6.85%); Viti (5, 8.06%); Vushtrri (6, 6.74%); Zubin Potok (2, 13.33%); Zve\u00e7an (2, 18.18%); Malishev\u00eb (5, 6.94%); Junik (1, 16.67%); Mamush\u00eb (1, 20%); Hani i Elezit (1, 9.09%); Gra\u00e7anic\u00eb (3, 9.09%); Ranillug (1, 10%); Partesh (1, 14.29%); Kllokot (2, 25%) dhe Mitrovic\u00eb e Veriut (2, 9.52%).<\/p>\n

Vendimi i KQZ-s\u00eb mb\u00ebshtetet n\u00eb Rregulloren Zgjedhore p\u00ebr funksionimin e Qendr\u00ebs s\u00eb Num\u00ebrimit dhe Rezultateve. N\u00eb k\u00ebt\u00eb akt n\u00ebnligjor \u00ebsht\u00eb parapar\u00eb q\u00eb pas pranimit t\u00eb materialeve zgjedhore nga vendvotimet e rregullta n\u00eb QNR, KQZ t\u00eb vler\u00ebsoj\u00eb situat\u00ebn dhe sipas nevoj\u00ebs mund t\u00eb vendos\u00eb p\u00ebr rinum\u00ebrim.<\/p>\n

Kjo mas\u00eb kontrolli \u00ebsht\u00eb parapar\u00eb nga KQZ p\u00ebr t\u00eb adresuar problemet e evidentuara n\u00eb disa nga Qendrat Komunale t\u00eb Num\u00ebrimit gjat\u00eb num\u00ebrimit t\u00eb votave t\u00eb kandidat\u00ebve p\u00ebr deputet\u00eb nga zgjedhjet e dhjetorit t\u00eb vitit t\u00eb kaluar dhe ka p\u00ebr q\u00ebllim t\u00eb sigurohet q\u00eb num\u00ebrimi \u00ebsht\u00eb zhvilluar me sakt\u00ebsi.<\/p>\n