\nT\u00eb flas\u00ebsh, t\u00eb shkruash, t\u00eb rr\u00ebfesh apo t\u00eb p\u00ebrshkruash kujtimet p\u00ebr p\u00ebrsonalitetin e t\u00eb madhit dhe t\u00eb pavdekshmit \u2013 REXHEP MALAJ \u00ebsht\u00eb nder\u00eb dhe krenari. Duhet t\u00eb kesh\u00eb informacione t\u00eb dor\u00ebs par\u00eb dhe begram t\u00eb pasur p\u00ebr veprimtarin\u00eb e tij t\u00eb gjithanshme.
\nNuk mjafton t\u00eb p\u00ebrkujtohet vet\u00ebm kur \u00ebsht\u00eb p\u00ebrvjetori i r\u00ebnjes, n\u00eb m\u00ebnyr\u00eb kalimthi sa vet\u00ebm p\u00ebr t\u00eb th\u00ebn\u00eb se u kujtua heroi REXHEP MALAJ, por t\u00eb kujtohet n\u00eb vazhdimsi, duke organizuar tryeza t\u00eb ndryshme t\u00eb rrumbullak\u00ebta, debate, tubime, or\u00eb letrare etj. ku pasqyrohet veprimtaria e tij jetsore, liridash\u00ebse, patriotike dhe atdhetare. Ka njer\u00ebz q\u00eb dijn\u00eb shum\u00eb dhe kan\u00eb punuar me Heroin, tani me p\u00ebrmasa mbar\u00eb kombtare, prandaj \u00ebsht\u00eb e rrug\u00ebs t\u00eb shkruajn\u00eb, t\u00eb debatojn\u00eb, t\u00eb sjellin njohuri t\u00eb reja p\u00ebr opinionin, e mos t\u00eb heshtin, e kan\u00eb p\u00ebr borgj.
\nNj\u00eb jet\u00eb t\u00eb t\u00ebr\u00eb n\u00eb sh\u00ebrbim t\u00eb zgjidhjes s\u00eb \u00e7\u00ebshtjes kombtare shqiptare.
\nMe t\u00eb ndjerin Rexhep Malaj \u2013 krenarin\u00eb e kombit, njeriun e guximit dhe veprimit, njeriun e sakrific\u00ebs dhe q\u00ebndres\u00ebs, njeriun e ilegalitetetit, qelis\u00eb dhe burgut, njeriun e fjal\u00ebs, bes\u00ebs dhe p\u00ebrkushtimit kaluam s\u00ebbashku nj\u00eb koh\u00eb bukur t\u00eb gjat\u00eb. Fati dashti t\u00eb jemi miq\u00eb dhe moshatar\u00eb t\u00eb nj\u00eb gjenerate.
\nM\u00eb duket se do i mbetem borgj Heroit RXHEP MALAJ dhe opnionit t\u00eb mos i shkruaj n\u00eb let\u00ebr p\u00ebr ato gj\u00ebra q\u00eb di si: rr\u00ebfime, p\u00ebrjetime dhe kujtime t\u00eb asaj kohe t\u00eb pa koh\u00eb.
\nT\u00eb gjitha k\u00ebto fjal\u00eb po i shkruaj pa hip\u00ebrbolizime, pa lavdrime dhe anime, por n\u00eb origjinalitet ashtu siq i kam p\u00ebrjetuar.
\nJu lutem q\u00eb t\u00eb lexohet me kujdes dhe durim. Duke lexuar nga fillimi dhe duke shkuar nga br\u00ebndia e shkrimit do t\u00eb hasni dhe njoftoheni me shum\u00eb gj\u00ebra q\u00eb do ju t\u00ebrheqin t\u2019i lexoni me v\u00ebmendje deri n\u00eb fund e pastaj edhe mund t\u00eb jepen sygjerime, v\u00ebrejtje apo komente. I pranoj v\u00ebrejtjet, kritikat dhe komentet \u00e7\u2019fardo qofshin. Rrespektoj \u00e7do mendim ndryshe.
\nREXHEPI lindi m\u00eb 29.03.1951 n\u00eb fshatin Hogosht t\u00eb Dardan\u00ebs.
\nUn\u00eb klas\u00ebn e gjasht\u00eb, shtat\u00eb dhe t\u00eb tet\u00eb i p\u00ebrfundova n\u00eb Hogosht. Nuk m\u00eb lejonte t\u00eb udh\u00ebtoja p\u00ebr \u00e7do dit\u00eb n\u00eb fshatin tim Poli\u00e7k\u00eb. Q\u00eb nga kjo koh\u00eb, shpirtin e REXHEPIT e mundonte dhe preokuponte \u00e7\u00ebshtja komb\u00ebtare e shqiptar\u00ebve. Si i ri kishte d\u00ebgjuar histori dhe rr\u00ebfime rr\u00ebnqeth\u00ebse nga njer\u00ebzit atdhetar\u00eb t\u00eb Hogoshtit p\u00ebr vuajtjet dhe trim\u00ebrin\u00eb q\u00eb kishin treguar burrat e Hogoshtit n\u00eb luft\u00ebn e Kik\u00ebs dhe gjetiu.
\nSi i ri q\u00eb ishte, kishte shum\u00eb shkatht\u00ebsi fizike q\u00eb ia kishte dhuruar natyra.
\nREXHEPI n\u00eb jet\u00ebn e tij u shoq\u00ebrua dhe u ballafaqua me lloj lloj sfidash.
\nM\u00eb 1965 familja e REXHEPIT shp\u00ebrngulet n\u00eb Gjilan, kurse familja ime shp\u00ebrngulet m\u00eb 1968.
\nREXHEPI regjistrohet n\u00eb Gjimnazin \u201cZenel Hajdini\u201d kurse un\u00eb u regjistrova n\u00eb shkoll\u00ebn Normale \u201cSk\u00ebnderbeu\u201d. Nj\u00eb vit kam banuar n\u00eb sht\u00ebpin\u00eb e REXHEPIT e pastaj u vendosa n\u00eb sht\u00ebpin\u00eb time.
\nN\u00eb Gjilan ishim af\u00ebr me sht\u00ebpi.
\nU takonim gadi \u00e7do dit\u00eb.
\nN\u00eb Gjimnaz REXHEPI zgjeroi rrethin e shok\u00ebve liridash\u00ebs. Kishte aft\u00ebsi t\u00eb jashtzakonshme n\u00eb p\u00ebrfitimin e njer\u00ebzve t\u00eb rinj\u00eb si dhe energji t\u00eb papar\u00eb dhe \u00e7do her\u00eb ishte n\u00eb l\u00ebvizje dhe n\u00eb aksion. I interesonte \u00e7do gj\u00eb. Ishte tip sportiv. I adhuronte t\u00eb gjitha llojet e sportit e sidomos rr\u00ebshqitjen dhe notin.
\nMe nj\u00eb fjal\u00eb i pa b\u00ebr rehat si thot populli.
\n\u2013 Sa ishte n\u00eb Hogosht gjat\u00eb rr\u00ebshqitjes me saj \u2013 ski ku vet\u00ebm REXHEPI guxonte t\u00eb l\u00ebshohej nga ajo kod\u00ebr tep\u00ebr e lart\u00eb (trishtim vet\u00ebm t\u00eb shiqohet) dhe bie n\u00eb nj\u00eb vend shum\u00eb t\u00eb pap\u00ebrshtatsh\u00ebm ta quaja humner\u00eb q\u00eb rrall\u00ebkush guxonte t\u00eb ofrohej af\u00ebr t\u00eb shiqoj, thyen krahun. Mjek\u00ebt popullor t\u00eb asaj kohe i mb\u00ebshtoll\u00ebn krahun me thupra (n\u00eb vend t\u00eb gipsit) dhe ashtu t\u00eb mb\u00ebshtjellur e ka mbajt\u00eb nj\u00eb koh\u00eb t\u00eb gjat\u00eb.
\n\u2013 Ver\u00ebs, duke u lar\u00eb me shok\u00eb n\u00eb Pend\u00ebn e Hogoshtit, kishte rr\u00ebshqit\u00eb dhe kishte r\u00ebn\u00eb jasht\u00eb murit t\u00eb pend\u00ebs nga nj\u00eb lart\u00ebsi tep\u00ebr e lart\u00eb n\u00eb nj\u00eb dru ku ishte ngulitur dhe nj\u00eb pjes\u00eb e tulit (mishit t\u00eb krahut) i kishte mbet\u00eb n\u00eb at\u00eb dru. Nj\u00eb koh\u00eb tejet t\u00eb gjat\u00eb e ka mbajtur t\u00eb lidhur dhe t\u00eb mb\u00ebshtjellur.
\n\u2013 N\u00eb Gjilan duke lozur football n\u00eb fush\u00ebn sportive t\u00eb Gjimnazit thyen k\u00ebmb\u00ebn dhe disa jav\u00eb e mbajti n\u00eb gips.
\nNj\u00eb muaj ka ec\u00eb me paterica derisa ju sh\u00ebrua k\u00ebmba.
\n\u2013 Si i ri e adhuronte shum\u00eb arm\u00ebn. Thoshte se duhet ushtruar p\u00ebrdorimin dhe p\u00ebrgaditjen p\u00ebr sfida t\u00eb ardhshme
\nq\u00eb do t\u00eb ballafaqohemi. N\u00eb parkun e at\u00ebhersh\u00ebm t\u00eb qytetit, REXHEPI rastsisht plagoset me revole af\u00ebr zogut t\u00eb k\u00ebmb\u00ebs.
\nI rekomanduam q\u00eb ta d\u00ebrgojm\u00eb n\u00eb spital p\u00ebr t\u2019i nxjerr\u00eb plumbin nga k\u00ebmba. Refuzoi, sepse n\u00eb spital e njoftojn\u00eb policin\u00eb dhe zbulohet se jam plagosur me arm\u00eb. Me t\u00eb shpejt\u00eb na thot q\u00eb t\u00eb shkojm\u00eb n\u00eb nj\u00eb kiosk m\u00eb t\u00eb af\u00ebrt p\u00ebr t\u00eb bler\u00eb nj\u00eb zhilet\u00eb dhe me an\u00ebn e saj ngadal\u00eb dhe me gjakftoht\u00ebsi t\u00eb papar\u00eb e ka qel\u00eb vendin ku e kishte plumbin dhe arrin\u00eb ta nxjerr. Kush mund t\u2019a b\u00ebj k\u00ebt\u00eb? Kush mund t\u2019i duroj k\u00ebto dhimbje? Vet\u00ebm REXHEP MALAJ mund t\u2019i p\u00ebrballoj! Pastaj e kemi d\u00ebrguar n\u00eb spital p\u00ebr t\u00eb i ndal\u00eb gjakdetdhjen.
\nMenj\u00ebher\u00eb nga spitali kan\u00eb lajm\u00ebruar organin kompetent t\u00eb pun\u00ebve t\u00eb br\u00ebndshme se nj\u00eb pacient \u00ebsht\u00eb i plagosur me arm\u00eb zjarri. Arrijn\u00eb policia dhe i kishin th\u00ebn se si ishte plagosur. REXHEPI ishte k\u00ebmbngul\u00ebs se nuk jam plagos\u00eb me arm\u00eb, por me t\u00ebrfurk hekuri duke i yshqyer kafsh\u00ebt \u2013 dhe k\u00ebshtu kishte p\u00ebrfunduar. Nj\u00eb koh\u00eb bukur t\u00eb gjat\u00eb e ka mbajtur k\u00ebmb\u00ebn lidhur me fasha dhe lidh\u00ebse t\u00eb ndryshme p\u00ebr t\u00eb ju sh\u00ebruar. P\u00ebrveq q\u00eb ishte n\u00eb sh\u00ebnjest\u00ebr t\u00eb pushtetit e p\u00ebrcillnin edhe k\u00ebto telashe.
\n\u2013 Takohemi n\u00eb oborrin e shkollave t\u00eb mesme (sepse Normalja dhe Gjimnazi ishin shum\u00eb pran nj\u00ebra tjetr\u00ebs) dhe m\u00eb pyet se a kam m\u00ebsim n\u00eb k\u00ebt\u00eb or\u00eb. Un\u00eb i them se kam pauz\u00eb.
\nM\u00eb propozon q\u00eb t\u00eb shkoj n\u00eb klas\u00ebn e tij se kishte gjuh\u00eb serbokroate. Shkuam n\u00eb klas\u00ebn e tij dhe m\u00eb rekomandoi t\u00eb ulem n\u00eb vendin e tij (n\u00eb uls\u00ebn e fundit) dhe doli p\u00ebrseri prej klas\u00ebs.
\nProfesori i serbishtes me emrin Stanko hyri n\u00eb klas\u00eb dhe filloi ta shkruaj or\u00ebn m\u00ebsimore n\u00eb ditar. Ishte dim\u00ebr. Nd\u00ebrkoh\u00eb n\u00eb klas\u00eb hyn REXHEPI dhe ofrohet te stufa p\u00ebr tu ngrohur e cila ishte e ndezur me dru.
\nREXHEPI hap\u00eb kapakun e stuf\u00ebs dhe hudh\u00eb nj\u00eb l\u00ebnd\u00eb plas\u00ebse.
\nNga p\u00eblcitja u d\u00ebgjua nj\u00eb krism\u00eb e madhe.
\nProfesori me emrin Stanko u frik\u00ebsua shum\u00eb dhe me t\u00eb shpejt\u00eb del nga klasa dhe drejt n\u00eb zyr\u00ebn e drejtorit. At koh\u00eb drejtor i Gjimnazit ishte Vlladimir Cfetanoviq, n\u00eb zyr\u00ebn e t\u00eb cilit kishin qen\u00eb edhe disa profesor\u00eb t\u00eb tjer\u00eb e n\u00eb mesin e tyre edhe profesori i gjuh\u00ebs shqipe Haxhi Vokshi.
\nMe t\u00eb shpjeguar rastitin e ndodhur, Vllada \u2013 drejtori i rekomandon Haxhiut q\u00eb t\u00eb shkoj n\u00eb at klas\u00eb se k\u00ebt akt e ka kryer vet\u00ebm REXHEPI. Haxhiu me t\u00eb shpejt\u00eb shkon n\u00eb klas\u00eb dhe drejt te REXHEPI. Jo t\u00eb qortoj, por menj\u00ebher\u00eb fillon duke e t\u00ebrhequr p\u00ebr xhoksi dhe duke i th\u00ebn\u00eb se un\u00eb jam Haxhi vokshi nga Vokshi i Deqanit dhe ha hekur. T\u00eb njejt\u00ebn gj\u00eb vepron edhe Rexhepi duke e t\u00ebrhequr Haxhiun p\u00ebr xhoksi ku krijohet nj\u00eb rr\u00ebmuj\u00eb e papar\u00eb n\u00eb klas\u00eb gjithnj\u00eb duke e shtr\u00ebnguar dhe i p\u00ebrgjigjet Haxhiut: un\u00eb jam Rexhep Malaj nga Hogoshti, ha buk\u00eb dhe e shtyn\u00eb me t\u00ebr forc\u00ebn n\u00eb turm\u00ebn e nx\u00ebn\u00ebsve dhe k\u00ebshtu p\u00ebrfundon kjo sken\u00eb. Haxhi Vokshi kishte menduar se REXHEPI do t\u2019i marrohet (turprohet) dhe nuk do t\u00eb kund\u00ebrshtonte sepse kishte nj\u00eb lidhje me prindin e REXHEPIT.
\n\u2013 N\u00eb vitin 1967, duke shetitur me REXHEPIN dhe disa shok\u00eb t\u00eb tjer\u00eb n\u00eb korzon e qytetit ku shetisnin num\u00ebr shum\u00eb i madh\u00eb njerzish at koh\u00eb, shqiptar\u00eb dhe serb\u00eb n\u00eb or\u00ebt e mbr\u00ebmjes (ata t\u00eb cil\u00ebt e mbajn\u00eb nd\u00ebrmend ju kujtohet korzoja e at\u00ebhershme) e st\u00ebrmbushur me njer\u00ebz.
\nPara neve ishin duke ecur \u2013 shetitur Radisllav stojanovi\u00e7 (i quajtur n\u00eb popull si Rada i C\u00ebrnic\u00ebs) i cili ishte Kryeshef i Sekretariatiti t\u00eb Pun\u00ebve t\u00eb Br\u00ebndshme dhe Aleksand\u00ebr Peri\u00e7 (i quajtur n\u00eb popull si Cana i Ranillugut) ishte N\u00ebnkryeshef i Sekretariatit t\u00eb Pun\u00ebve t\u00eb Br\u00ebndshme.
\nRexhepi posa i pa largohet nga ne dhe ju hyn n\u00eb mes duke i shtr\u00ebnguar p\u00ebr duar t\u00eb dy sa mundte duke u th\u00ebn\u00eb her nj\u00ebrit e her tjetrit: ti je Rada, ti je Rada\u2026. dhe dor\u00ebn tjet\u00ebr duke ju k\u00ebrcnuar se ti je Cana, ti je Cana\u2026 disa her\u00eb duke ju p\u00ebrserit\u00eb emrat dhe gjithnj\u00eb duke i shtr\u00ebnguar aq sa kishte forc\u00eb.
\nNe shok\u00ebt e tij dor\u00ebn n\u00eb zem\u00ebr u frk\u00ebsuam se \u00e7ka do t\u00eb ndodh\u00eb m\u00ebpas.
\nT\u00eb dy u frik\u00ebsuan shum\u00eb dhe nuk b\u00ebn\u00eb z\u00eb duke u larguar ngadal\u00eb nga korzoja.
\nI themi REXHEPIT se \u00e7ka b\u00ebre k\u00ebshtu? a e din se kush jan\u00eb k\u00ebta? I di shum\u00eb mir\u00eb. K\u00ebta jan\u00eb kriminel dhe gjakpir\u00ebs t\u00eb popullit ton\u00eb. Vet\u00ebm me presion t\u00eb formave t\u00eb ndryshme mund t\u2019i detyrojm\u00eb
\nt\u00eb largohen. Fatmirsisht shp\u00ebtuam.
\nN\u00eb vitin 1973 Rada ishte shp\u00ebrngul\u00eb n\u00eb Beograd ku ishte pun\u00ebsuar.
\nKemi ec\u00eb nja 20 deri 30 hapa dhe jemi larguar ngadal\u00eb nga korzoja duke na propozuar gjithnj\u00eb REXHEPI q\u00eb secili t\u00eb shkoj n\u00eb drejtimin e vet p\u00ebr n\u00eb sht\u00ebpi.
\n\u2013 Pas demonstrat\u00ebs t\u00eb ndodhur n\u00eb Gjilan t\u00eb vitit 1968 n\u00eb t\u00eb cil\u00ebn REXHEPI ishte organizatori kryesor \u2013 p\u00ebr t\u00eb cil\u00ebn kam shkruar m\u00eb heret, e p\u00ebrjashtojn\u00eb nga Gjimnazi. S\u00ebbashku me Irfan Shaqirin arrijn\u00eb t\u00eb gjejn\u00eb nj\u00eb lidhje dhe regjistrohen n\u00eb Gjimnazin e Preshev\u00ebs ku dhe e p\u00ebrfundojn\u00eb me sukses.
\n\u2013 N\u00eb Shtatorin e vitit 1970, Rexhepi s\u00ebbashku me Isa Kastratin, Ferdeze Muja dhe Sami D\u00ebrmaku hudh\u00ebn n\u00eb teritotin e shtetit shqiptar duke kaluar kufirin ilegalisht. Gjat\u00eb q\u00ebndrimit n\u00eb Shqip\u00ebri REXHEPI p\u00ebrgaditej n\u00eb \u00e7do aspekt p\u00ebr tu k\u00ebthyer dhe vepruar n\u00eb Kosov\u00eb edhe m\u00eb fuqish\u00ebm s\u00ebbashku me ISA KASTRATIN dhe SAMI D\u00cbRMAKUN. Kurse FERDEZE MUJA kishte mbet\u00eb n\u00eb Shqip\u00ebri edhe m\u00ebtutje.
\nPas q\u00ebndrimit dy tre mujor\u00eb kthehet p\u00ebrseri n\u00eb Kosov\u00eb nga autoritetet shqiptare. N\u00eb pytjen q\u00eb i b\u00ebra REXHEPIT se a ke mund t\u00eb q\u00ebndrosh n\u00eb Shqip\u00ebri? Po, por krer\u00ebt e Shtetit Shqiptar na than\u00eb se ju duhet dhe jeni m\u00eb se t\u00eb nevojsh\u00ebm t\u00eb q\u00ebndroni dhe t\u00eb veproni n\u00eb Kosov\u00eb. P\u00ebr kalim ilegal t\u00eb kufirit d\u00ebnohet me burgim t\u00eb cilin burg e mban\u00eb n\u00eb Gjilan.
\nPas mbajtjes s\u00eb burgut p\u00ebr kalim ilegal t\u00eb kufirit, REXHEPI filloi edhe m\u00eb me k\u00ebmbngul\u00ebsi veprimtarin\u00eb e tij atdhetare si dhe n\u00eb zgj\u00ebrimin e celulave ilegale. N\u00eb bised\u00eb e sip\u00ebr REXHEPI shprehet: po t\u2019i kisha 100 njer\u00ebz t\u00eb vendosur q\u00eb nuk iu dhimbset jeta \u2013 revolucioni n\u00eb Kosov\u00eb do t\u00eb triumfonte.
\nI themi \u00e7ka jan\u00eb 100 njer\u00ebz \u2013 pak? Aty p\u00ebr aty Rexhepi p\u00ebrgjigjet: nj\u00eb njeri kur vendos\u00eb t\u00eb vdes b\u00ebn mrekulli, po 100 revolucioni triumfon.
\n\u2013 Un\u00eb, Nijazi Musmurati pas diplomimit n\u00eb shkoll\u00ebn Normale n\u00eb vitin shkollor 1970\/71, jam inkuadruar n\u00eb shkoll\u00ebn fillore t\u00eb Marecit ku punova nj\u00eb vit. Meqen\u00ebse Rexhepi kishte diplomuar me vones\u00eb (ngase e kishin p\u00ebrjashtuar nga Gjimnazi i Gjilanit) i propozoj q\u00eb t\u00eb vie t\u00eb punoj n\u00eb gjys\u00ebmvjetorin e dyt\u00eb t\u00eb vitit 1972 n\u00eb Marec n\u00eb paralelet e ndara n\u00eb Vakoc \u2013 ashtu edhe ndodhi.
\nN\u00eb Marec (n\u00eb Flotacion) banonim n\u00eb banes\u00ebn q\u00eb posedonte shkolla me shok\u00ebt: Rexhep Malaj, Isak Hoxha \u2013 Halimi, Adem Tahiri nga Drenica, Shefqet Hoxha dhe Nijazi Musmurati.
\nKurse Hetem Arifi punonte n\u00eb Viti t\u00eb Marecit q\u00eb vinte shpesh n\u00eb shkoll\u00ebn ton\u00eb. N\u00eb kremtimin e dit\u00ebs s\u00eb shkoll\u00ebs ishte edhe Hetemi.
\nREXHEPI, me t\u00eb filluar pun\u00ebn ju p\u00ebrkushtua shpirtrisht arsimimit dhe edukimit t\u00eb nx\u00ebn\u00ebsve n\u00eb frym\u00ebn atdhetare duke iu mbjell\u00eb ndjenjat kombtare \u00e7ka dhe u b\u00eb shum\u00eb i dashur dhe i mir\u00ebpritur nga nx\u00ebn\u00ebsit dhe prind\u00ebrit.
\n\u2013 Vlen\u00eb t\u00eb p\u00ebrmendet kremtimi i dit\u00ebs s\u00eb shkoll\u00ebs \u201cLiria\u201d t\u00eb Marecit m\u00eb 25 Maj t\u00eb vitit 1972. N\u00eb kremtimin e dit\u00ebs s\u00eb shkoll\u00ebs kishin ardh\u00eb mysafir\u00eb t\u00eb shumt\u00eb dhe fytyra politike t\u00eb asaj kohe t\u00eb Krahin\u00ebs si: llaz Kurteshi, Bejto Novob\u00ebrdaliu, Sadik Vllasaliu, Shaip Kllokoqi etj. dhe disa fytyra politike serbe po t\u00eb asaj kohe.
\nMe t\u00eb filluar kremtimi, grupi yn\u00eb filluam t\u00eb k\u00ebndojm\u00eb k\u00ebng\u00eb patriotike dhe k\u00ebng\u00eb p\u00ebr Enver Hoxh\u00ebn n\u00ebn dirigjimin e REXHEPIT. Me t\u00eb d\u00ebgjuar k\u00ebto k\u00ebng\u00eb nj\u00eb pjes\u00eb e njer\u00ebzve u t\u00ebrhoq\u00ebn nga salla, por ne vazhduam deri n\u00eb fund. Fatmirsisht shp\u00ebtuam pa pasoja.
\nVlen\u00eb t\u00eb p\u00ebrmendet se kemi gjet\u00eb nj\u00eb p\u00ebrkrahje t\u00eb jashtzakonshme nga m\u00ebsuesi vendas Qerkin Makolli i cili \u00e7do her\u00eb na p\u00ebrkrahu dhe k\u00ebshilloi se nga kush duhet t\u00eb ruhemi dhe t\u00eb kemi kujdes.
\nM\u00ebsuesi Qerkin ishte i thjesht\u00eb, bujar, i sinqert\u00eb dhe besnik. Na ndihmonte n\u00eb \u00e7do aspekt. Nj\u00eb fal\u00ebnderim publik i veqant p\u00ebr m\u00ebsuesin Qerkin. Bravo m\u00ebsuesi Qerkin!
\nRexhepi nj\u00eb koh\u00eb ka qendruar n\u00eb sht\u00ebpin\u00eb e Hamz\u00eb Makollit, nj\u00eb burr\u00eb i fjal\u00ebs dhe i bes\u00ebs.
\nGjat\u00eb luft\u00ebs s\u00eb fundit t\u00eb vitit 1999 sht\u00ebpia e Hamz\u00eb Makollit ishte sh\u00ebndrruar n\u00eb shtabin e Ushtris\u00eb \u00c7lirimtate t\u00eb Kosov\u00ebs (U\u00c7K-\u00ebs) aty ku kishte gjet\u00eb streh\u00eb veprimtari i palodhur i asaj kohe REXHEP MALAJ dhe i koh\u00ebve t\u00eb m\u00ebvonshme deri n\u00eb r\u00ebnjen e tij heroike.
\n\u2013 N\u00eb vitin 1972\/73 Rexhepi ishte n\u00eb vlugun m\u00eb t\u00eb madh\u00eb t\u00eb veprimit ilegal t\u00eb tij si: n\u00eb shp\u00ebrndarjen e trakteve, shkrimin e tyre, zgjerimin e celulave t\u00eb reja dhe sigurimin e arm\u00ebve.
\nPo k\u00ebt vit Rexhepi regjistrohet n\u00eb fakultetin Ekonomik t\u00eb Pishtin\u00ebs.
\nShp\u00ebrndante trakte dhe afishe kudo n\u00eb qytete dhe fshatra t\u00eb trojeve shqiptare me p\u00ebrmbajtje patriotike dhe duke p\u00ebrshkruar gjendjen e r\u00ebnd\u00eb t\u00eb shqiptar\u00ebve n\u00eb ish Jugosllavi.
\n\u2013 N\u00eb vitin 1973, REXHEPI i lidhur me litar p\u00ebr trupi, n\u00eb muret e jashtme t\u00eb konvikteve t\u00eb student\u00ebve n\u00eb Prishtin\u00eb shkroi parollat Kosova Republik\u00eb me ngjyr\u00eb t\u00eb theksuar-llak t\u00eb cilat parolla organet e at\u00ebhershme p\u00ebrgjegj\u00ebse t\u00eb asaj kohe nuk kan\u00eb mundur t\u2019i heqin nj\u00eb koh\u00eb t\u00eb gjat\u00eb nga muret e konvikteve.
\nN\u00eb banes\u00ebn n\u00eb t\u00eb cil\u00ebn banonim si student\u00eb n\u00eb Kodr\u00ebn e Diellit Basri Musmurati, Fazli Abdullahu, Kadri Abdullahu dhe un\u00eb Nijazi Musmurati
\nREXHEPI e p\u00ebrdorte t\u00ebr dit\u00ebn \u2013 deri n\u00eb or\u00ebt e vona t\u00eb mbr\u00ebmjes p\u00ebr t\u00eb p\u00ebrgaditur dhe shkruar trakte, afishe, fletushka dhe komente p\u00ebr t\u2019i shp\u00ebrndar\u00eb nd\u00ebr shok\u00eb dhe n\u00eb vise t\u00eb ndryshme t\u00eb banuara me shqiptar\u00eb, ngase n\u00eb banes\u00ebn n\u00eb t\u00eb cil\u00ebn banonte n\u00eb rrug\u00ebn \u201cXhemajl Ibishi\u201d ishte hetuar nga disa t\u00eb dyshuar bashk\u00ebpuntor\u00eb t\u00eb UDB-\u00ebs.
\nK\u00ebt vit REXHEPI disa her\u00eb shkoi n\u00eb Ambasad\u00ebn Shqiptare n\u00eb Beograd p\u00ebr t\u00eb sjell\u00eb libra dhe revista t\u00eb ndryshme.
\nP\u00ebrveq q\u00eb ishte i guximsh\u00ebm dhe trim, lexonte shum\u00eb p\u00ebr t\u00eb dal\u00eb sa m\u00eb i p\u00ebrgaditur. N\u00eb at koh\u00eb lexoi librin Partia Komuniste Shqiptare dha librin Partia e Pun\u00ebs p\u00ebr tu brumos\u00eb dhe kalitur me mendime dhe ide, shprehje dhe citate t\u00eb njer\u00ebzve t\u00eb m\u00ebdhenj\u00eb.
\nLibrat, revistat, komentet dhe materialin propagandues q\u00eb u jepte shok\u00ebvet p\u00ebr lexim iu k\u00ebrkonte edhe komentet e tyre lidhur me librin apo revist\u00ebn e lexuar se \u00e7\u2019far p\u00ebrshtypjesh apo mbresash ju kishte l\u00ebn\u00eb. Nuk u ndal asnj\u00eb \u00e7ast dhe moment s\u00eb vepruari n\u00eb ilegalitet.
\nSht\u00ebpia e tij n\u00eb Gjilan ishte rrethuar me dhjetra her\u00eb nga udbash\u00ebt, policia dhe xhandarmeria serbe t\u00eb armatosur gj\u00ebr n\u00eb dh\u00ebmb\u00eb. \u00c7do her\u00eb e kishin demoluar duke u munduar q\u00eb t\u00eb mbjellin frig\u00eb dhe panik\u00eb si n\u00eb familjen Malaj dhe familjet tjera ashtu dhe n\u00eb popull.
\n\u2013 N\u00eb vitin 1974 burgoset s\u00ebbashku me mandel\u00ebn e Evrop\u00ebs ADEM DEMA\u00c7IN dhe shok\u00eb t\u00eb tjer\u00eb. N\u00eb vitin vijues m\u00eb 1975 d\u00ebnohet n\u00eb gjyqin e qarkut n\u00eb Prishtin\u00eb me 9 (n\u00ebnt\u00eb) vite burg.
\nGjat\u00eb mbajtjes s\u00eb burgut REXHEPIN e kishin torturuar mizorisht dhe e kishin d\u00ebrguar gadi n\u00ebp\u00ebr t\u00eb gjitha burgjet e ish Jugosllavis\u00eb si: n\u00eb Idrizov\u00eb, Shtip, Prizren, Prishtin\u00eb, Mitrovic\u00eb, Foq\u00eb, Sarajev\u00eb, Zenic\u00eb dhe s\u00eb fudi n\u00eb Mostar. Torturat q\u00eb i jan\u00eb b\u00eb Rexhep Mal\u00ebs njeriu as q\u00eb mund t\u2019i imagjinoj e l\u00ebre t\u2019i p\u00ebrjetoj.
\nUdbash\u00ebve serb\u00eb u kishte th\u00ebn\u00eb: ju jeni kriminel dhe gjakpir\u00ebs; kurse atyre shqiptar\u00eb: jeni tradhtar\u00eb n\u00eb sh\u00ebrbim t\u00eb armikut \u2013 Serbis\u00eb.
\nPas marjes s\u00eb denimit t\u00eb \u201cmerituar\u201d t\u00eb k\u00ebtij grupi \u201carmiqsor\u201d, Televizioni i Prishtin\u00ebs, Rilindja dhe televizione te tjera Jugosllave nuk ngarendnin duke shkruar dhe komentuar se n\u00eb Prishtin\u00eb mor\u00ebn d\u00ebnimin e \u201cmerituar\u201d armiqt\u00eb e p\u00ebrbetuar t\u00eb V\u00ebllaz\u00ebrim Bashkimit t\u00eb popujve t\u00eb Jugosllavis\u00eb.
\nElita politike e asaj kohe \u00e7dokund n\u00ebp\u00ebr shkolla, organzata punuese, fakultete, n\u00ebp\u00ebr fshatra dhe qytete villnin vrer\u00eb duke u dh\u00ebn\u00eb epitetin si grup armiqsor, irredentist, seperatist dhe kund\u00ebrrevolucionar. Mjetet e informimit si televizionet, gazetat, revistat etj.lloj lloj komentesh p\u00ebr grupin e cil\u00ebsuar si armiqsor\u00eb q\u00eb u munduan t\u00eb prishin bashk\u00ebjetes\u00ebn e popujve t\u00eb v\u00ebllaz\u00ebruar dhe t\u00eb bashkuar t\u00ebJugosllavis\u00eb.
\nE gjith\u00eb udh\u00ebheqja e Jugosllvis\u00eb e sidomos ajo e Serbis\u00eb dhe e Kosov\u00ebs ishin n\u00eb nj\u00eb linj\u00eb, n\u00eb denimin e k\u00ebtij grupi t\u00eb patriot\u00ebve shqiptar\u00eb, t\u00eb kualifikuar si grup \u201carmiqsor\u00eb\u201d, por m\u00eb i z\u00ebshmi ishte Azem Vllasi q\u00eb mbante post t\u00eb lart\u00eb politik n\u00eb Federat\u00ebn ish Jugosllave.
\nV\u00ebllau i Rexhepit Hasan Malaj e vizitonte n\u00eb burg derisa nuk ishte arratisur n\u00eb per\u00ebndim dhe kur kthehej nga vizita teshat dhe rrobet e REXHEPIT i sjellte shpesh n\u00eb sht\u00ebpin\u00eb ton\u00eb p\u00ebr t\u2019i lar\u00eb ngase t\u00eb t\u00ebrat ishin n\u00eb gjak q\u00eb vet\u00ebm e vet\u00ebm t\u00eb mos i shoh n\u00ebna e tij.
\n\u2013 Burgu i Mostarit ishte vendi i fundit i q\u00ebndrimit t\u00eb tij n\u00eb burg.
\nREXHEPI lirohet nga burgu n\u00eb Qershor t\u00eb vitit 1983. Kishin shkuar p\u00ebr t\u00eb prit\u00eb daljen e tij nga burgu Ramadan Malaj nj\u00eb kusheri i babait t\u00eb Rexhepit dhe Ali Malaj nip i Rexhepit, ngase v\u00ebllau i Rexhepit \u2013 Hasani tani veq ishte n\u00eb arrati jasht vendit. Me t\u00eb arritur n\u00eb Prishtin\u00eb nuk vie s\u00ebpari n\u00eb sht\u00ebpin\u00eb e tij n\u00eb Gjilan.
\nNj\u00ebher shkon n\u00eb familjen e Sk\u00ebnder Kastratit n\u00eb Prishtin\u00eb \u2013 shok i REXHEPIT i cili kishte mbet\u00eb ende n\u00eb burg, sht\u00ebpin\u00eb e Agim Sylejmanit si dhe disa vizita t\u00eb sht\u00ebpit\u00eb e shok\u00ebve tjer\u00eb, si vizita n\u00eb familjen e Ilmi Ramadanit n\u00eb Gjilan etj. dhe s\u00ebfundi vie n\u00eb familjen e tij.
\n\u2013 N\u00eb koh\u00ebn kur doli nga burgu situata politike ishte shum\u00eb e r\u00ebnd\u00eb dhe m\u00eb se explozive. Pas demonstratave t\u00eb ndodhura t\u00eb vitit 1981 filluan burgosjet dhe d\u00ebnimet me t\u00eb madhe t\u00eb inteluktual\u00ebve, student\u00ebve, nx\u00ebn\u00ebsve dhe t\u00eb rinj\u00ebve shqiptar\u00eb ku mernin d\u00ebnime drakonike. T\u00eb gjitha k\u00ebto d\u00ebnime REXHEPI i p\u00ebrjetoi shum\u00eb r\u00ebnd.
\nN\u00eb at koh\u00eb n\u00eb burg kishin r\u00ebn\u00eb edhe Hydajet Hyseni, Basri Musmurati, Nazmi Hoxha, Xhevat Ajvazi, Bejtullah Tahiri, Shemsedin Hoxha, Shaip Ismaili, Sadri Sherifi, Naim Salihu e shum\u00eb intelektual dhe t\u00eb rinj\u00eb t\u00eb tjer\u00eb. K\u00ebrkoj falje n\u00ebse nuk iu kam p\u00ebrmend emrin edhe t\u00eb ndonj\u00ebrit antar\u00eb t\u00eb k\u00ebtij grupi sepse ka kaluar nj\u00eb koh\u00eb e gjat\u00eb.
\nREXHEPI u prek shum\u00eb dhe l\u00ebshoi nj\u00eb ofsham\u00eb se at\u00ebher kemi biseduar (ende pa r\u00ebn\u00eb n\u00eb burg) se kuadrot jemi dakorduar q\u00eb t\u00eb ruhen dhe mos t\u00eb miren me shp\u00ebrndarjen e trakteve dhe afisheve se kemi njer\u00ebz tjer\u00eb kush i shp\u00ebrndan\u00eb.
\nMenj\u00ebher fillon veprimtarin\u00eb e tij atdhetare duke th\u00ebn se nuk ka rrug\u00eb tjet\u00ebr deri n\u00eb fitor\u00ebn p\u00ebrfundimtare t\u00eb popullit ton\u00eb.
\nN\u00eb nj\u00eb rast (isha prezent dhe un\u00eb), xha Mehmeti babai i REXHEPIT i thot q\u00eb t\u00eb pushoj pak se situata \u00ebsht\u00eb zjarr\u00eb dhe shp\u00ebrthyese.
\nREXHEPI aty p\u00ebr aty i p\u00ebrgjigjet: Bab\u00eb as edhe nj\u00eb minut nuk ka pushim deri n\u00eb realizimin liris\u00eb. N\u00eb burg nuk bie m\u00eb se do t\u00eb luftoj deri n\u00eb momentin e fundit t\u00eb jet\u00ebs. Babai i REXHEPIT MEHMETMALAJ
\nsi \u00e7do her burr\u00eb i m\u00ebnqur dhe i matur, i pa fjal\u00eb dhe gjakftoht ishte i menjihersh\u00ebm dhe i drejtp\u00ebrdrejt duke i th\u00ebn Rexhepit: Zoti ta dhasht\u00eb hajrin dhe u largua. T\u00eb till\u00eb jan\u00eb burrat e m\u00ebdhenj\u00eb!
\nGjasht\u00eb muaj t\u00eb q\u00ebndrimit t\u00eb tij pas burgut deri n\u00eb vrasjen e tij filloi m\u00eb t\u00eb madhe aktivitetin e tij patriotik n\u00eb shkruarjen dhe shp\u00ebrndarjen e trakteve dhe afisheve, shkruarjen e parullave n\u00ebp\u00ebr rrug\u00eb dhe objekte t\u00eb ndryshme (Kosova Republik\u00eb) n\u00ebp\u00ebr qytete dhe fshatra t\u00eb ndryshme t\u00eb Kosov\u00ebs, n\u00eb trevat shqiptare t\u00eb Maqedonis\u00eb si dhe n\u00eb komunat Preshev\u00eb dhe Bujanoc.
\n\u2013 Ishte korrik i vitit 1983 dhe posa kishte filluar t\u00eb bie muzgu i mbr\u00ebmjes.
\nIsha n\u00eb sht\u00ebpi. Nd\u00ebrkoh\u00eb vie Mumini nip i REXHEPIT dhe i imi dhe m\u00eb thot se t\u00eb ka ftuar axha. Shkoj menj\u00ebher.Kishte qen\u00eb duke m\u00eb pritur n\u00ebn hajatin e dyerve me nj\u00eb valigje (sigurisht trakte dhe afishe q\u00eb ishte p\u00ebrgaditur t\u2019i shp\u00ebrndante diku m\u00eb larg (pa e pytur fare) dhe m\u00eb drejtohet duke m\u00eb th\u00ebn: mere k\u00ebt\u00eb valigje dhe e l\u00ebn\u00eb n\u00eb vendin q\u00eb m\u00eb caktoi skaj trtoari dhe un\u00eb t\u00eb p\u00ebrcell mrapa nja 100 metra.
\n(Vendi ku e vendosa valigjen ishte t\u00eb qerdhja e f\u00ebmj\u00ebve p\u00ebrball\u00eb biznesit Durr\u00ebsi q\u00eb \u00ebsht\u00eb sot). Si ta l\u00ebsh valigjen m\u00eb k\u00ebshilloi q\u00eb t\u00eb eci dhe t\u00eb kthehem n\u00eb sht\u00ebpi. Nj\u00eb kalimtar i rastit m\u00eb kishte par\u00eb se valigj\u00ebn e kisha l\u00ebn\u00eb duke m\u00eb ftuar me nj\u00eb z\u00eb t\u00eb lart\u00eb duke menduar se e kisha harruar. Kthehem dhe i them se nuk e kam harruar. E kam l\u00ebn\u00eb deri sa t\u00eb blej n\u00eb shitore di\u00e7ka.
\nREXHEPI m\u00eb kishte p\u00ebrcjellur dhe e kishte mar\u00eb dhe \u00ebsht\u00eb nisur n\u00eb destinacionin ku e kishte q\u00ebllimin q\u00eb vet\u00ebm ai e dinte.Ishte lokomotiv\u00eb q\u00eb nuk u ndal kurr\u00eb.
\n\u2013 Emrin FITORE \u2013 vajz\u00ebs s\u00eb tij e kishte p\u00ebrgadit\u00eb n\u00eb burg p\u00ebr ta pagzuar.
\nKur doli nga burgu p\u00ebr her\u00eb t\u00eb par\u00eb dhe t\u00eb fundit shkuam s\u00ebbashku t\u00eb iu d\u00ebgjojm\u00eb notat Fitores q\u00eb tani ishte n\u00eb klas\u00ebn e par\u00eb dhe un\u00eb Mentorit \u2013 djalit t\u00eb v\u00ebllaut \u2013 Basriut i cili ishte n\u00eb burg n\u00eb Sarajev\u00eb, t\u00eb cil\u00ebt i kishim regjistruar me nj\u00eb klas\u00eb.
\nN\u00eb k\u00ebt\u00eb koh\u00eb t\u00eb shkurt\u00ebr sht\u00ebpia e REXHEPIT u rrethua disa her\u00eb n\u00eb or\u00ebt e hershme t\u00eb m\u00ebngjesit nga udbash\u00ebt dhe policia se mos vall\u00eb mund ta z\u00ebn\u00eb dhe ta burgosin p\u00ebrseri. Mir\u00ebpo, REXHEPI tani ishte n\u00eb ilegalitet dhe ishte betuar se m\u00eb nuk bie n\u00eb duar t\u00eb policis\u00eb pa luftuar.
\nAli vllasi (v\u00eblla i Azem Vllasit) nj\u00eb bashk\u00ebpuntor\u00eb besnik i UDB-\u00ebs n\u00eb fund t\u00eb kryerjes s\u00eb bastisjes dhe kontollit i kishte th\u00ebn\u00eb xha Mehmetit se REXHEPI po p\u00ebrgaditet t\u00eb na vret neve por do ta vrasim ne ate. Xha Mehmeti si \u00e7do her\u00eb largpam\u00ebs dhe i matur i p\u00ebrgjigjet se Rexhepi nuk vret njer\u00ebz dhe kishte p\u00ebrfunduar ky debat me udbashin Ali Vllasi.
\n\u2013 N\u00eb mes nat\u00ebs 11 dhe 12 Janar t\u00eb vitit 1984 (gjasht\u00eb muaj pas daljes nga burgu) REXHPI dhe NUHIU, n\u00eb banes\u00ebn e tyre n\u00eb Prishtin\u00eb, n\u00eb laxh\u00ebn e quajtur Vranjevc u rrethuan nga forca t\u00eb shumta policore dhe ushtarake duke apeluar q\u00eb t\u00eb dorzohen. Thirrjes s\u00eb gjakpir\u00ebsve \u2013 xhelat\u00ebve, REXHEPI dhe NUHIU iu p\u00ebrgjigjen me tyt\u00ebn e arm\u00ebve duke luftuar deri n\u00eb m\u00ebngjes dhe duke k\u00ebnduar Kosova Republik\u00eb. Luftuan deri n\u00eb pik\u00ebn e fundit t\u00eb gjakut t\u00eb tyre dy shok\u00eb, dy martir\u00eb, dy v\u00ebll\u00ebz\u00ebr, dy luft\u00ebtar\u00eb, dy guximtar\u00eb, dy trima, dy kolos, dy vigan\u00eb, dy veprimtar\u00eb, dy atdhetar\u00eb, dy patriot\u00eb, dy flijues, dy heronj\u00eb, dy fitimtar\u00eb, dy djem t\u00eb rinj\u00eb q\u00eb i treguan njerzimit se p\u00ebr liri t\u00eb popullit t\u00eb vet njeriu duhet t\u00eb jap gj\u00ebn\u00eb m\u00eb t\u00eb shtrenjt\u00eb \u2013 jet\u00ebn.
\nUDB-\u00ebja dhe klysh\u00ebt e tyre kishin r\u00ebn\u00eb n\u00eb panik\u00eb t\u00eb plot\u00eb se si \u00ebsht\u00eb e mundur t\u00eb i kthejn\u00eb arm\u00ebn nj\u00eb ushtrie dhe policie dy djem t\u00eb rinj\u00eb! K\u00ebte e kishin rr\u00ebfyer okular\u00ebt e rastit duke i d\u00ebgjuar udbash\u00ebt shqipfol\u00ebs t\u00eb asaj kohe t\u00eb cil\u00ebt rrinin n\u00ebp\u00ebr skaje dhe qoshe rrug\u00ebsh at\u00eb nat\u00eb duke biseduar mes vedi.
\nE gjith\u00eb UDB-\u00ebja b\u00ebn \u00e7udi! Vall\u00eb! jan\u00eb \u00e7\u2019mend\u00eb k\u00ebta dy djem\u00eb t\u2019ri ! T\u00eb luftojn\u00eb me ushtri!
\nT\u2019shkrep\u00ebsh arm\u00ebn n\u2019polici!
\n\u00cbsht\u00eb m\u00eb shum\u00eb se \u00e7\u2019menduri!
\nVullneti dhe deshira p\u00ebr te qen\u00eb t\u00eb lirr\u00eb ishte m\u00eb e madhe se nj\u00eb ushtri dhe polici armike dhe k\u00ebt\u00eb vullnet t\u00eb popullit nuk mund ta shuante m\u00eb askush.
\nAt nat\u00eb edhe qielli ishte i zymt\u00eb, nuk d\u00ebgjohej asfar\u00eb l\u00ebvizje, vet\u00ebm krisma arm\u00ebsh.
\nNga ky vend filloi t\u00eb iu vie aroma pranverore e lul\u00ebkuqeve t\u00eb Kosov\u00ebs se liria mori rrug\u00ebn dhe kahjen e duhur dhe nuk do t\u00eb ket\u00eb forc\u00eb q\u00eb t\u00eb ndal\u00eb vullnetin e popullit p\u00ebr t\u00eb fituar t\u00eb drejtat e tij t\u00eb ligjshme.
\nVendi ku r\u00ebn\u00eb trimat REXHEPI dhe NUHIU p\u00ebr lirin\u00eb e Kosov\u00ebs n\u00eb Prishtin\u00eb mori emrin \u2013 Kodra e Trimave.
\n* Th\u00ebnja e REXHEPIT th\u00ebn xha Mehmetit se nuk do t\u00eb bie m\u00eb n\u00eb burg pa luftuar u b\u00eb realitet.
\nNga udbash\u00ebt i kishte ardh\u00eb lajmi n\u00eb sht\u00ebpi xha Mehmetit se REXHEPI ka b\u00ebr\u00eb \u201cvetvrasje\u201d n\u00eb Prishtin\u00eb. Por xha Mehmeti nj\u00eb burr\u00eb i menqur dhe i rezervuar, me nj\u00eb xhakftoht\u00ebsi t\u00eb rrall\u00eb nd\u00ebr t\u00eb tjera ju drejtohet udbash\u00ebve q\u00eb i kishin sjell\u00eb lajmin e hidhur p\u00ebr Rexhepin duke u th\u00ebn\u00eb: REXHEPI nuk b\u00ebn vet\u00ebvrasje, por ju jeni ata q\u00eb e keni p\u00ebrcjell\u00eb gjat\u00eb dhe e keni vrar\u00eb dhe k\u00ebshtu kishte mbaruar biseda me udbash\u00ebt.
\nIshte mbr\u00ebmje. Ndodhesha n\u00eb sht\u00ebpi dhe n\u00eb nj\u00eb moment vie Shqipe Malaj mbesa ime e p\u00ebrlotur duke treguar se posa erdhi lajmi n\u00eb sht\u00ebpi nga udbash\u00ebt se axha REXHEP \u00ebsht\u00eb vrar\u00eb n\u00eb Prishtin\u00eb.
\nMe t\u00eb shpejt\u00eb me Shqip\u00ebn nisemi te sht\u00ebpia saj. Rrug\u00ebs shohim udbash\u00ebt te Xhamia e Medres\u00ebs t\u00eb trazuar. Arrijm\u00eb te sht\u00ebpia e REXHEPIT. Xha Mehmeti, si \u00e7doher\u00eb edhe n\u00eb k\u00ebto momente shum\u00eb t\u00eb v\u00ebshtira dhe t\u00eb r\u00ebnda ishte i fort\u00eb moralisht dhe shum\u00eb i matur.
\nN\u00eb vend q\u00eb ta ngushllonim, ai b\u00ebnte t\u00eb kund\u00ebrten. Na ngushllonte p\u00ebr vrasjen e djalit t\u00eb tij dhe na jepte kurajo dhe moral se puna e tij e nisur do t\u00eb vazhdoj nga shok\u00ebt edhe pas REXHEPIT (dhe ashtu ndodhi).
\nIshte koha e lajmeve. Xha Mehmeti edhpse kishte mar\u00eb lajmin e hidhur p\u00ebr vrasjen e djalit t\u00eb tij \u2013 REXHEPIT na drejtohet neve t\u00eb pranishm\u00ebve me fjal\u00ebt:
\n\u201cQ\u00ebndroni t\u00eb qet\u00eb, kyelart\u00eb dhe mos qani. L\u00ebshoni telvizionin dhe p\u00ebrcjellni me v\u00ebmendje lajmet. Rruga e nisur do t\u00eb vazhdoj nga t\u00eb tjer\u00ebt. Liria vet\u00ebm me gjak fitohet, liri pa derdh\u00eb gjak nuk ka\u201d. K\u00ebto ishin fjal\u00ebt e Xha Mehmetit n\u00eb ato momente prek\u00ebse dhe m\u00ebse t\u00eb v\u00ebshtira.
\nTelevizioni i Beogradit jep lajmin e par\u00eb se n\u00eb Prishtin\u00eb dy \u201cterrorist\u00eb \u2013 dy irredentist\u00eb\u201d ishin vrar\u00eb REXHEP MALAJ dhe NUHI BERISHA.
\nPas d\u00ebgjimit t\u00eb lajmeve u bisedua se kush duhet t\u00eb shkoj n\u00eb morgun e Prishti\u00ebs p\u00ebr t\u00eb sjell\u00eb kufom\u00ebn e REXHEPIT n\u00eb sht\u00ebpi.
\nT\u00eb nes\u00ebrmen, posa zbardhi drita \u2013 nisen p\u00ebr n\u00eb morgun e Prishtin\u00ebs Hanifja (bashk\u00ebshortja) e Rexhepit, Agimi \u2013 djali i motr\u00ebs s\u00eb Rexhepit (nip), Ramadan D\u00ebrmaku \u2013 nip i familjes Malaj etj.
\nk\u00ebrkoj falje n\u00ebse ndonj\u00ebrit nuk ja kam p\u00ebrmend emrin sepse ka kaluar nj\u00eb koh\u00eb.
\nGat\u00eb nxjerrjes s\u00eb kufom\u00ebs nga morgu dhe rrug\u00ebs p\u00ebr n\u00eb Gjilan ishin p\u00ebrball\u00eb me shum\u00eb sfida dhe pengesa, por m\u00eb n\u00eb fund arrin\u00eb me arkivol \u2013 kufom\u00eb n\u00eb sht\u00ebpi.
\nArkivolin e hapur me trupin e pa jet\u00eb t\u00eb Rexhepit e vendos\u00ebm n\u00eb dhom\u00ebn e pritjes. Haqif Krasniqi \u2013 Dajkoci nj\u00eb burr\u00eb i urt\u00eb, puntor dhe i pafjal\u00eb, i cili gjith\u00ebher i ndejti af\u00ebr familjes Malaj n\u00eb dit\u00ebt m\u00eb t\u00eb v\u00ebshtira, u afrua te trupi i pajet\u00eb i REXHEPIT duke e puthur n\u00eb fytyr\u00eb dhe me z\u00eb t\u00eb lart\u00eb shprehet: t\u00eb qoft\u00eb p\u00ebrhajr Republika REXH\u00cb (REXHEP).
\nPastaj filluan p\u00ebrgaditjet p\u00ebr varrim.
\nPolicia dhe udbash\u00ebt kishin ardh\u00eb p\u00ebrseri t\u00eb sht\u00ebpia e xha Mehmetit se varrimi duhet t\u00eb b\u00ebhet n\u00eb ora 15h.
\nVarret u hap\u00ebn nj\u00ebri pran tjetrit (pra i REXHEPIT dhe NUHIUT). M\u00eb von\u00eb policia dhe UDB-ja japin urdh\u00ebr q\u00eb nj\u00ebri varr t\u00eb mbulohet dhe t\u00eb hapet n\u00eb an\u00ebn tjet\u00ebr vet\u00ebm e vet\u00ebm q\u00eb mos t\u00eb jen\u00eb af\u00ebr nj\u00ebri tjetrit (si duket u kishin frik\u00ebn edhe p\u00ebr se vdekuri).
\nDuke biseduar disa m\u00eb thon\u00eb q\u00eb t\u00eb shkoj t\u00eb xhamia e Medres\u00ebs (q\u00eb ishte shum\u00eb af\u00ebr) t\u00eb ftoj hoxh\u00ebn p\u00ebr pastrimin e kufom\u00ebs. Shkova por ngurruan \u2013 u frik\u00ebsuan t\u00eb vijn\u00eb.
\nUn\u00eb u them se Molla Rizah Poli\u00e7ka i cili ishte af\u00ebr me sht\u00ebpi, i burgosur politik i NDSH-s\u00eb, i shtyr\u00eb n\u00eb mosh\u00eb do t\u00eb shkoj ta ftoj. Molla Rizahu nuk hezitoi dhe erdhi menjiher. Kur d\u00ebgjoi xha Mehmeti me z\u00eb te prer\u00eb tha se nuk b\u00ebj pastrimin e kufom\u00ebs dhe ashtu u vendos.
\nP\u00ebrgadit\u00ebm edhe kuror\u00eb por nuk e lejuan ta dergojm\u00eb me kuror\u00eb. Kurora ka q\u00ebndruar disa vite n\u00eb od\u00ebn e sht\u00ebpis\u00eb s\u00eb vjet\u00ebr.
\nArkivolin me trupin e pajet\u00eb t\u00eb REXHEPIT e mb\u00ebshtoll\u00ebm me nj\u00eb \u00e7arqaf t\u00eb bardh\u00eb dhe k\u00ebshtu e kemi nisur p\u00ebr n\u00eb banes\u00ebn e fundit. Rrug\u00ebs p\u00ebr n\u00eb varreza na jan\u00eb bashkangjit\u00eb edhe shum\u00eb qytetar\u00eb tjer\u00eb edhepse ishim n\u00ebn masa t\u00eb rrepta p\u00ebrcjell\u00ebse t\u00eb policis\u00eb dhe udbash\u00ebve n\u00eb \u00e7do udh\u00ebkryq t\u00eb rrug\u00ebve.
\nUdbash\u00ebt t\u00eb cil\u00ebt i njhja: Isa Bunjaku, Daut Morina, Ismet Kastrati, Fadil\u2026.., Ramadan\u2026\u2026.e disa fytyra tjera bashk\u00ebpuntor\u00eb t\u00eb UDB-\u00ebs t\u00eb cil\u00ebt na p\u00ebrcillnin rrug\u00ebs.
\nGjithashtu edhe gjat\u00eb ceremonis\u00eb t\u00eb varrimit nj\u00eb grup udbash\u00ebsh dhe polic\u00ebsh rrinin anash duke i p\u00ebrcjell\u00eb njer\u00ebzit.
\nMe t\u00eb p\u00ebrfunduar varrimi, rrug\u00ebs p\u00ebr n\u00eb sht\u00ebpi disa pjes\u00ebmarr\u00ebsve ju kan\u00eb dal\u00eb n\u00eb prit\u00eb policia dhe udbash\u00ebt duke i torturuar. Nj\u00ebri prej tyre ishte edhe JAHI KUREXHA nga fshati Kuregjaj i Gjilanit t\u00eb cilin e kishin keqtrajtuar dhe duke i shkaktuar plag\u00eb p\u00ebr pjes\u00ebmarrje t\u00eb tij n\u00eb varrim.
\nNgushllimet mbaheshin n\u00eb dhom\u00ebn e pritjes t\u00eb sht\u00ebpis\u00eb s\u00eb xha Mehmetit.
\n\u00c7dokund ishin vendos\u00eb udbash\u00ebt p\u00ebr t\u00eb v\u00ebzhguar dhe p\u00ebrcjell\u00eb njer\u00ebzit t\u00eb cil\u00ebt shkonin n\u00eb ngushllim. Ishin vendos\u00eb te Xhamia e Medres\u00ebs, n\u00eb fund t\u00eb sokakut t\u00eb sht\u00ebpis\u00eb e gjetiu.
\nSiq e kemi tradit\u00eb karrika ishte vendos\u00eb n\u00eb sokak para dyerve. Vie policia dhe e heqin duke th\u00ebn q\u00eb karrika t\u00eb jet\u00eb br\u00ebnda e jo n\u00eb sokak. Me t\u00eb par\u00eb q\u00eb karrika \u00ebsht\u00eb hequr nga sokaku, Naimi nip i Rexhepit pa b\u00ebr\u00eb zhurm\u00eb e vendos\u00eb p\u00ebrseri n\u00eb sokak.
\nBabai i REXHEPIT \u2013 xha Mehmeti si \u00e7doher\u00eb edhe k\u00ebsaj rradhe q\u00ebndroi stoik dhe i pa p\u00ebrkulur duke iu dh\u00ebn\u00eb vullnet dhe forc\u00eb t\u00eb tjer\u00ebve q\u00eb rruga e filluar nuk guxon t\u00eb ndalet deri n\u00eb fitoren p\u00ebrfundimtare.
\n\u2013 N\u00eb nj\u00eb moment isha duke ndejt\u00eb n\u00eb dhom\u00eb me xha Mehmetin. Bie zilja. Dal shiqoj se kush ishte. Rexhep Svirca \u2013 babai i Heroit NUHI BERISHA. Hyn n\u00eb dhom\u00eb. P\u00ebrshendetet me xha Mehmetin.
\nXha Mehmeti e kishte ftuar Rexhep Svirc\u00ebn dhe i thot mir\u00eb u b\u00eb qe erdhe. Ngrihet nga divani dhe shkon n\u00eb dhom\u00ebn e tij. K\u00ebthehet menj\u00ebher. Rexhep t\u00eb kam ftuar q\u00eb t\u2019i jap k\u00ebto pak t\u00eb holla sepse i kemi gjet\u00eb n\u00eb xhepat e pantollaneve t\u00eb Rexhepit. Meqen\u00ebse kan\u00eb punuar dhe jan\u00eb vrar\u00eb s\u00ebbashku dua q\u00eb t\u2019i ndajm\u00eb p\u00ebr gjysm\u00eb dhe k\u00ebshtu p\u00ebrfundoi ky dialog.
\n\u2013 Xha Mehmeti ende sa ishte n\u00eb jet\u00eb la amanet q\u00eb kur t\u00eb vdes t\u00eb m\u00eb varrosni af\u00ebr varrit t\u00eb NUHI BERISH\u00cbS \u2013 dhe k\u00ebshtu ndodhi.
\nNuk u varros te varri i djalit t\u00eb tij por t\u00eb varri i shokut \u2013 idealit t\u00eb djalit t\u00eb vet. Krenari!
\nPra, ran\u00eb dy p\u00ebr tu ngritur dymij\u00eb!
\nSot n\u00eb qend\u00ebr t\u00eb Gjilanit shtator\u00ebt e REXHEPIT dhe NUHIUT q\u00ebndrojn\u00eb t\u00eb g\u00ebdhendura n\u00eb bronx si roje nderi.
\nSot, mundin, djers\u00ebn, sakrific\u00ebn dhe pun\u00ebn e tyre po e shijojm\u00eb dhe p\u00ebrjetojm\u00eb t\u00eb lir\u00eb dhe krenar.
\nPS \u2013 Gjeneral SHABAN SHALAJ \u2013 luft\u00ebtar i U\u00c7K-\u00ebs nga Drenica tani i ndjer\u00eb, nj\u00eb koh\u00eb ishte komandant i TMK-\u00ebs n\u00eb Gjilan i cili nd\u00ebr t\u00eb tjera pat deklaruar se automatikun e par\u00eb e kam mar\u00eb nga trimi \u2013 REXHEP MALAJ.
\nGjilan, 02.04.2021
\n
![\"\"](\"https:\/\/radiostargjilan.com\/web\/wp-content\/uploads\/2021\/04\/98F81298-9DAE-4B4B-BB08-1B3C2FBEDC58.jpeg\")
<\/p>\n![\"\"](\"https:\/\/radiostargjilan.com\/web\/wp-content\/uploads\/2021\/04\/0B4B01D8-9AF9-4591-A75D-267A9828057E.jpeg\")