Me rastin e 22-vjetorit të themelimit të Policisë së Kosovës është mbajtur ceremoni solemne.
Fillimisht u bën homazhe pranë lapidarëve të policëve të rënë në krye të detyrës, shkruan Reporteri.net
Me këtë rast ministri i Punëve të Brendshme, Xhelal Sveçla tha se kjo ditë do festohej ndryshe, por që si pasojë e pandemisë ishin të obliguar që organizimi të jetë simbolik.
Në vazhdën e kësaj dite, ministri Sveçla ka bërë të ditur se si pasojë e Covid-19, 24 pjesëtarë të Policisë së Kosovës kanë vdekur, kurse 7 912 janë vaksinuar edhe 1 268 janë në radhë për t’u vaksinuar.
“Sot është një ditë e shënuar, duke kremtuar kështu 6 shtatorin e vitit 1999-të me pranimin e kadetëve të parë. E sot numërojmë me mbi 9 mijë policë. Në këtë ditë kemi menduar të festojmë ndryshe këtë ditë duke bërë që nga pandemia të festohet me kufizime”.
“Nga 1 vit e gjysmë pandemi Policia gjithmonë ka qëndruar ne front vetëm e vetëm që të mbrojnë qytetarët, dhe fatkeqësisht kemi 24 policë te vdekur nga pandemia”, tha Sveçla.
