Bashkatdhetarët që jetojnë edhe punojnë në vendet e ndryshme të botës, tashmë kanë nisur të vijnë për t’i kaluar pushimet verore në Kosovë.
Me ardhjen e tyre, vërehet edhe një qarkullim më i madh në pikat kufitare.
Por, fluks të madh nuk ka, të paktën mëngjesin e së dielës.
Kështu bën të ditur Qendra për Menaxhim Kufitar e Ministrisë së Brendshme.
Sipas të dhënave të përditësuara rreth orës 07:15, koha për të hyrë në Kosovë dhe për të dalë nga Kosova, në të gjitha pikat kufitare sillet rreth 3 e deri në 5 minuta, transmeton Klankosova.tv
Bazuar në këto të dhëna nuk ka kolona të automjeteve të paraqitura.
