Po vazhdon edhe sot në ditë vikendi vaksinimi i qytetarëve të Gjilanit.
Përmes një statusi në facebook, Drejtoresha e QKMF-së, në Gjilan, Arbenita Hajdari, ka treguar se nga fillimi i vaksinimit e deri më sot janë dhënë 88.942 doza të vaksinave anticovid.
Hajdari ka thënë se 21 persona kanë marrë dozën e tretë, drejtoresha Hajdari gjatë vizitës që i bëri stafit shëndetësor në qendrën e Vaksinimit, i falënderoi ata për punën e madhe që po bëjnë në luftimin e kësaj pandemie, duke e rritur numrin e të vaksinuarve me vaksinën anticovid.
Postimi i plotë:
E diela ditë pune në shërbimin e vaksinimit në Qmf. Dardania në Gjilan.
Nga fillimi i vaksinimit 02.04.2021 deri sot 12.12.2021 jane dhene 88.942 doza te vaksinave anticovid, prej tyre 40.952 persona kane marre te dy dozat,dhe 21 persona kane marre dozen e trete,perforcuese!
Vaksinohuni mbrone veten , familjen dhe të afërmit tuaj!
