Qeveria ka miratuar Projektligjin për byronë shtetërore për verifikim dhe konfiskim të pasurisë së pajustifikueshme të zyrtarëve.
Ministrja e Drejtësisë, Albulena Haxhiu, ka thënë se është me interes shoqëror që sistemit juridik t’i shtohet edhe byroja për verifikim dhe konfiskim të pasurisë së pajustifikueshme.
Kryeministri Kurti ka deklaruar se qeveria e tij ka objektiv luftën kundër krimit dhe korrupsionit.
Haxhiu ka thënë se nëse byroja vëren se një zyrtar ka pasuri qe s’mund ta justifikojë atëherë i kërkon gjykatës konfiskimin e saj. Sipas Haxhiut, Byroja do të jetë institucion i pavarur dhe do i japë llogari Kuvendit.
