Zgjedhja e kryesuesit të kuvendit komunal të Gjilanit, nesër mbahet seanca
04/01/2022
Zgjedhja e kryesuesit, priten zhvillime të reja në skenën politike të Gjilanit
Kryetari i Komunës së Gjilanit, Alban Hyseni, ka thirrur për nesër seancën për votimin e kryesuesit të kuvendit komunal të kësaj komune, tre ditë para mbylljes së afatit për zgjedhjen e kryesuesit.
Ushtruesi i detyrës së kryetarit të degës së PDK-së në Gjilan, Riad Rashiti, ka thënë dje për Paparacin se kjo pozitë pritet t’i takojë Partisë Demokratike të Kosovës.
Tutje ai ka njoftuar se Lëvizja Vetëvendosje dhe Partia Demokratike janë duke zhvilluar takime që të arrijnë marrëveshje koalicioni për të bashkëqeverisur.
Alban Hyseni u betua si kryetar i Komunës së Gjilanit më 7 dhjetor të vitit të kaluar, kurse në bazë të Ligjit për vetëqeverisje lokale, kryesuesi i Kuvendit duhet të zgjidhet më së largu 30 ditë pas betimit të anëtarëve të asamblesë.
