Ukraina është e gatshme për çdo zhvillim të ngjarjeve që lidhen me agresionin rus, tha presidenti Volodymyr Zelensky.
Ai e tha këtë në rajonin Kherson, ku Ministria e Brendshme e Ukrainës po zhvillon stërvitje taktike dhe speciale pranë kufirit administrativ me Krimenë e pushtuar përkohësisht, sipas një korrespondenti të Ukrinform.
“Para së gjithash, ne të gjithë e kuptojmë se “surprizat” mund të vijnë në çdo moment. Ne duhet të mbështetemi në forcat tona. Ne e kuptojmë se gjëra të tilla mund të ndodhin pa paralajmërim, kështu që gjëja më e rëndësishme është të sigurohemi që të jemi gati për Çdo gjë. Kjo është ajo që po punohet. Ne jemi gati për çdo hap nga çdo anë, nga çdo kufi. Mendoj se specialistët tanë dhe ekipet tona, ministritë, ushtria jonë janë në një nivel shumë serioz. Dhe ky është niveli që ata demonstruan sot”, tha Zelensky.
YOU MAY LIKE
Mgid
Mgid
Si të parandaloni atakun në zemër (Bëni këtë 3 herë në ditë)
Neoritm
Ai komentoi gjithashtu nivelin e lartë të ushtrimeve taktike dhe speciale të Ministrisë së Brendshme të Ukrainës. “Ne e kuptojmë se çdo ofensivë, çdo pushtim fillon me destabilizimin brenda shtetit. Kjo është punë e grupeve subversive. Ja çfarë mungonte atëherë [në 2014],” tha ai.
Zelensky vuri në dukje se në të ardhmen e afërt, Ukraina do të vazhdojë stërvitje të ngjashme në rajonet kufitare. “Njëkohësisht, ne do të zhvillojmë stërvitje ushtarake”, shtoi ai.
Zelensky kujtoi se Këshilli Kombëtar i Sigurisë dhe Mbrojtjes së Ukrainës në një takim në Kharkiv më 11 shkurt shqyrtoi çështjen e garantimit të sigurisë kombëtare nga kërcënimet e brendshme dhe të jashtme. “Ne po veprojmë sipas planit tonë. Pra nuk kemi frikë nga askush, nuk ka nevojë për panik, gjithçka është nën kontroll,” tha ai.
Ministria e Brendshme e Ukrainës filloi të shtunën stërvitjet taktike dhe speciale në rajonin Kherson, pranë kufirit administrativ me Krimenë e pushtuar përkohësisht, dhe Zelensky vëzhgoi demonstrimin e veprimeve të njësive në terren.
