Në kuadër të bashkëpunimit në Spitalin e Përgjithshëm Gjilan ishte për vizitë një delegacion nga Banka Botërore.
Delegacioni nga Banka Boterore u prit nga drejtori ekzekutiv Dr.Arsim Emini , drejtori klinik Dr.Ukshin Ismaili dhe nga drejtoresha e infermierisë Mr.sc Vlora Shalaj.
Delegacioni i kryesuar nga Znj.Ha u interesuan rreth investimeve përmes kredisë së Bankës Botërore në bashkëpunim me Ministrin e Shëndetësisë dhe SHSKUK për Spitalin e Gjilanit.
Drejtori ekzekutiv i SPGJ Dr.Arsim Emini i njoftoi të pranishëmit se Spitali i Gjilanit ofron shërbime për rreth 200.000 banorë në regjionin e Anamoravës (Gjilan, Viti, Kamenicë), Artanë, Luginën e Preshevës dhe disa fshatra kufitare të Kumanovës.
Paisjet mjekësore të ofruara nga ky investim ju shërbejn çdo ditë qytetarëve të këti regjioni. Në kuadër të këtyre investimeve është edhe projekti i zgjerimit të rrjetës së oksigjenit i cili po shkon drejt finalizimit të tij diku rreth 100 burime të reja të oksigjenit i realizuar nga UNOPS.
Me këtë rast, duam që t’i falënderojmë të gjithë investitorët dhe përkrahësit e Spitalit të Gjilanit të cilat po vazhdojnë të përkrahin Shëndetësinë Kosovare në përgjithësi për përmirësimin dhe zgjerimin e shërbimeve shëndetësore për pacientët tanë!
Duam t’i sigurojmë qytetarët tanë se jemi të vendosur për t’u dalur në ndihmë përmes përmirësimit të infrastrukturës dhe të shërbimeve sa më cilësore.
Do të vazhdojm bashkëpunimin e mëtejmë në sferat tona të interesit drejt realizimit të planit zhvillimor dhe strategjik të Spitalit të Përgjithshëm Gjilan.
