Prokuroria Themelore në Gjilan ka bërë të ditur se me aktvendim të Prokurorit të Shtetit dhe në bashkëpunim me Policinë e Kosovës ka ndaluar katër zyrtarë të komunës së Novobërdës, me dyshimin për keqpërdorim të pozitës apo autoritetit zyrtar.
Sipas njoftimit, personat e dyshuar janë ndaluar sot, raporton “Betimi për Drejtësi”.
“Të njëjtit dyshohen se me qëllim të përfitimit të kundërligjshëm pasuror kanë mundësuar marrjen e pagës në periudhën kohore prej 3 viteve në shumë prej 13,000 mijë euro pa u paraqitur në punë, duke dëmtuar buxhetin e Komunës së Novobërdës”, thuhet në njoftimin e Prokurorisë. /BetimipërDrejtësi
