Shefi i grupit parlamentar të AAK-së, Besnik Tahiri, e ka quajtur “paralajmërim i një fushate psikologjike të Qeverisë Kurti” njoftimin e KEDS-it për rikthimin e reduktimeve të rrymës.
Tahiri ka shkruar në Facebook se kjo “është thirrje që të bëhemi gati për një dimër të gjatë”.
“Paralajmërimi i reduktimeve në pikë të verës, është asgjë më shumë se paralajmërim i një fushate psikologjike të Qeverisë Kurti.
Është thirrje që të bëhemi gati për një dimër të gjatë. Është test i durimit, është test i manovrimit, është test i mashtrimit”, shkroi ai.
“Po na matet pulsi, që nëse durojmë 2 orë verës, do të mund të duronim edhe 12 orë dimrit. Kësaj duhet thënë stop tani, ndryshe do jetë vonë!”, ka shtuar Tahiri.
