Të dashur qytetarë të Republikës së Kosovës,
Përkundër reshjeve të mëdha të borës që kanë kapluar territorin e Kosovës, sidomos nga pasdita e sotme e që po vazhdon me intenzitet të lartë, kompanitë për mirëmbajtjen e rrugëve, janë në terren dhe po e bëjn pastrimin e rrugëve dhe hedhjen e kripës.
Informojmë se të gjitha rrugët janë të kalueshme, duke përfshirë edhe autostradën “Ibrahim Rugova”, “Arbën Xhaferi”, dhe gjitha magjistralet në Kosovë. Apelojmë ngasësit të kenë kujdes të shtuar, sidomos gjatë natës dhe në orët e hershme të mëngjesit.
