Dy lëkundje të njëpasnjëshme janë ndjerë këtë mëngjes në disa qytete të Shqipërisë, ndërsa epiqendra e tërmetit ka qenë në Burrel.
Sipas të dhënave paraprake, tërmeti i parë u regjistrua në orën 10:05. Tërmeti me thellësi 2 kilometra dhe magnitudë 3.1 të shkallës Rihter kishte epiqendrën 11 kilometra larg qytetit të Burrelit.
Tre minuta më vonë një lëkundje me po të njëjtën thellësi dhe epiqendër është regjistruar në Burrel. Tërmeti ishte i magnitudës 2.6 i shkallës Rihter.
Mbrëmjen e kaluar një tërmet me magnitudë 4.7 të shkallës Rihter shkundi Shqipërinë.
Sipas Institutit të Gjeoshkencave, raportohet se epiqendra e tërmetit ishte 3 kilometra në jug të Klosit, prapa Malit të Dajtit, ndërsa lëkundjet janë ndjerë më së shumti në Dibër, Tiranë, Durrës dhe Lezhë. /tch
