Ish-Këshilltarja Komunale nga radhët e AKR-së në Gjilan, Vjollca Matoshi, ka aderuar në AAK shkruan Radio Star.
Lajmin për aderimin e saj e ka dhënë kryetari i degës së AAK-së, Nazim Gagica, përmes një postimi në ‘facebook’.
Ky është postimi i plotë:
Ish-Këshilltarja Komunale në Gjilan, Vjollca Matoshi prej sot rrugëton me Aleancën, sepse ajo mendon se për dallim nga subjektet tjera politike, Aleanca udhëhiqet nga shumë njerëz me vlera e të dëshmuar në secilën etapë të historisë sonë.
Vjollca Matoshi ka mbaruar fakultetin e Edukimit në Gjilan. Ka qenë Anëtare e Kuvendit Komunal në Gjilan për dy mandate, Kryetare e Gruas në AKR.
Vjollca njihet si një grua e zonja dhe kontributdhënëse e dalluar në Gjilan.
Ardhja e Vjollcës është vlerë e shtuar për Aleancën, subjekti që po rritet çdo ditë e po përkrahet nga secila familje e respektuar në Gjilan.
Do të rrugëtojmë bashkë në Aleancë për t’i sjellë zhvillim dhe qeverisje pernime Gjilanit dhe Kosovës.
Aleanca mbetet e hapur për secilin individ dhe secilën familje gjilanase, sepse konsiderojmë se vizioni ynë është urgjencë për Gjilanin dhe për Kosovën.
Mirë se erdhe Vjollcë!
