Një aksident i rëndë trafiku ka ndodhur sot në mëngjes në rrugën magjistrale Prishtinë-Gjilan.
Sipas një qytetari, i cili në adresë të KALLXO.com ka dërguar foto nga vendi i ngjarjes, aksidenti ka ndodhur në afërsi të Liqenit të Badovcit.
Sipas fotografive, shihet një veturë tip “Audi” e dëmtuar në këtë aksident.
Vetura është me tabela regjistrimi të Kosovës.
Nuk dihet nëse ka të lënduar në këtë aksident.
Në vendin e ngjarjes është parë të ketë dalë Policia e Kosovës.
Aksidenti ka ndodhur rreth orës 7 të mëngjesit.
