Publikimi i raportit “Ndikimi i investimeve kapitale në zvogëlimin e humbjeve të ujit dhe zgjerimin e shërbimeve të ujit tek qytetarët nga Kompanitë Rajonale të Ujësjellësit (KRU)”, i Zyrës Kombëtare të Auditimit, bën të ditur se regjioni i Gjilanit, ka mbulueshmërinë më të ulët me shërbime të ujit të pijshëm me vetëm 61% nga ana e KRU “Hidromorava”, nga shtatë KRU-të në vend që ofrojnë shërbime të ujit.
Më tej thuhet se numri i konsumatorëve me shërbimet e ujit nga KRU Hidromorava, për vitin 2021 është mbi 34 mijë apo 61% mbulueshmëri, duke e renditur të fundit me kompanitë tjera të ujit në vend.
Shih tabelën:
Ky auditim ka përfshirë periudhën 2019-2021. Aty po ashtu thekësohet se KRU Hidromorava ballafaqohet në vazhdimësi me mungesë të ujit nga thatësia.
Sipas gjetjeve të auditimit theksohet se, rajoni i Gjilanit, i cili përfshin Kamenicën dhe Vitinë për të cilat është përgjegjëse KRU Hidromorava, ishte përballur me thatësinë në mungesë të ujit në këtë regjion duke ndikuar
kështu në mbulimin me shërbime të ujit.
Shih grafikun:
Aktualisht vetëm 79% e popullatës së Kosovës furnizohet me ujë të pijshëm nga kompanitë e licencuara. Regjioni i Gjilanit ka mbulueshmërinë më të ulët me shërbime të ujit të pijshëm me 61%.
ADVERTISEMENT
Ndërkaq, gjetje tjetër ka dal se KRU Hidromorava, kishte përqindjen më të ultë të investimeve kapitale prej 21% në krahasim me ato të planifikuara.
“Mungesa e realizimit të IK-ve për qëllimet e destinuara bënë që KRU Hidromorava të vazhdojë të ballafaqohet me problemet e zgjerimit të infrastrukturës për mbulimin me shërbime sikurse parashihet. Njëkohësisht mungesa e realizimit të investimeve kapitale bënë që të ketë përqindjen e njëjtë të humbjeve të ujit dhe të mos ketë synime për zvogëlimin e tyre”, thekson mes tjerash raporti./PlusTV/
