Kryetari i PDK-së dega në Gjilan, Riad Rashiti, ka reaguar pas vizitës së Kurtit, duke thënë se se ai mashtroi përsëri qytetarët e Gjilanit shkruan Radio Star.
Më tutje ai ka thënë se edhe dy vite kanë mbrtur deri në zgjedhjet komunale dhe jemi të sigurt që atëherë Kosova dhe Gjilani nuk do të udhëhiqet nga qeverisja e VV-së.
Shkrimi i plotë:
Kryemashtruesi i Kosovës Albin Kurti pa fije turpi sot përsëri i gënjeu qytetarët e Gjilanit
Para katër muajsh ky kryemashtrues vizitoi autostradën e Gjilanit dhe gënjeu publikisht se 70% e punimeve të këtij projekti kanë përfunduar dhe se në fund të këtij viti do të hapet për qarkullim.
Ndërsa sot në Gjilan, ai bëri edhe dy gënjeshtra tjera të mëdha për projektin e autostradës, ku deklaroi se;
“Janë paraqitur disa probleme si pasojë e rrëshqitjes së dheut dhe kemi nevojë ta bëjmë formatimin e kontratës që t’i përfshijmë edhe disa shpronësime të reja për t’i sanuar problemet që janë shfaqur. Vitin tjetër do të fillojnë procedurat e tenderimit”, tha Kurti.
Po të ishte e vërtet shembja e dheut, jam i sigurt që ky kryemashtrues do ta vizitonte vend ngjarjen te autostrada ku është bërë shembja e dheut, duke e arsyetuar me fakte shkaktarin e mos hapjes së autostradës në këtë vit. Por jo, sepse kryemashtruesi ynë i Kosovës tentoi që gënjeshtrën e para katër muajve ta mbulojë me këtë gënjeshtër të re të sotit.
Poashtu ai deklaroi se duhen shpronësime të reja! Pse? A do të ndryshoj traseja e austradës? Cila është arsyeja?
Tender i ri për autostradën e Gjilanit tha se do të bëhet vitin tjetër për formatimin e kontratës? Shihe ti, tender për të rritur koston e projektit sikurse për stadiumin e qytetit të Gjilanit, ku është rritur vlera për 9 milion euro, e projekti është zvogëluar nga ai paraprak (së shpejti do të publikojmë skandalin për projektin e ri të stadiumit të Gjilanit).
Janë bërë bashkë kryemashtruesi i Kosovës dhe kryemanipuluesi i komunës së Gjilanit, të cilët po e gënjejnë çdo ditë qytetarin tonë, për të arsyetuar dështimet në projektet madhore të Anamoravës dhe për të legjitimuar hajninë me dhjetëra miliona euro, për të cilat koha do ti qes sheshit dallavaret dhe kurdisjet me tenderë dhe projekte të tilla.
Edhe dy vite deri në zgjedhjet komunale, jemi të sigurt që atëherë Kosova dhe Gjilani nuk do të udhëhiqen nga qeverisja e VV-së. Qytetarët përveç që duhet të durojnë deri atëhere, duhet të angazhohen me përgjegjësi për të larguar nga qeverisja mashtruesit e vendit tonë.
