Sot do të zhvillohet ndeshja e xhiros së tretë, mes FC Dritës dhe Ballkanit shkruan Radio Star.
Skuadra e Zekirija Ramadani, në xhiron e fundit pësoi humbje si vendas nga Malisheva me rezultat 1 me 2, pas kësaj trajneri shkupjan ka thënë se ende nuk e kanë ngritur flamurin e bardhë dhe duan fitore të jenë në hap për titull.
Aktualisht diferenca mes dy skuadrave është tetë pikë, me Dritën që ndodhet në pozitën e tretë me 31 pikë dhe Ballkanin në të parën me 39 sosh.
Kjo ndeshje do të zhvillohet nga ora 13:00 në stadiumin ndihmës me bari sintetik në Gjilan./radiostar/
