Nënkryetari i LDK-së, Lutfi Haziri, u ka uruar 8 Marsin grave, i cili i ka inkurajuar të gjitha femrat që të mos ndalojnë në rrugën e tyre për të zënë vendin e tyre të merituar në shoqëri shkruan Radio Star.
Haziri ka thënë se gratë janë simbol i jetës, ikona e saj dhe sakrifica për më të mirën.
Shkrimi i plotë:
Gratë janë simbol i jetës, ikona e saj dhe sakrifica për më të mirën
Të dashura vajza dhe gra, nëna dhe motra, duke ju uruar 8 Marsin, Ditën Ndërkombëtare të Gruas, më lejoni t’ju them se ju jeni simboli i jetës, ikona e saj dhe sakrifica për më të mirën.
Në këtë ditë të shënuar për të gjithë ne, rikujtojmë rolin e pazëvendësueshëm të gruas në ndërtimin dhe zhvillimin shoqërisë sonë, të institucioneve tona, të shtetit tonë.
Inkurajoj të gjitha femrat që të mos ndalojnë në rrugën e tyre për të zënë vendin e tyre të merituar në shoqëri.
Gëzuar 8 Marsi, ditën e rezistencës së gruas!
