KRU “Hidromorava” SH.A – Gjilan shënon Ditën Ndërkombëtare të Ujit, në bashkëpunim me nxënës të disa klasve fillore
Nëpërmjet kësaj vizite, ne kemi synuar të krijojmë një ndërgjegje të fortë në mes të nxënësve për rëndësinë e kujdesit ndaj ujit dhe për të ndihmuar ata të kuptojnë se çfarë mund të bëjnë ata vetë për të ndryshuar botën për të mirë.
Përmes aktiviteteve edukative dhe demonstrimeve praktike në fabrikën tonë të perpunimit të ujit, nxënësit kanë pasur mundësi të mësojnë se si funksionon sistemi i ujësjellësit, si trajtohet dhe pastrohet uji, dhe si mund të ndihmojnë në mbrojtjen dhe ruajtjen e burimeve të ujit në komunitetin tyre.
Ditën Botërore të Ujit, si një nga datat më të rëndësishme në kalendarin global ka për qellim për të tërhequr vëmendjen ndaj kujdesit dhe shfrytëzimit të ujit të pijshëm.
Kjo ditë festohet për të nxitur bashkëpunimin ndërkombëtar dhe veprimin e përbashkët për të adresuar problemet e ujit në nivel global.
Nëpërmjet fushatave të ndryshme të ndërgjegjësimit dhe veprimtarive të përbashkëta, synohet të arrihet qëllimi i ofrimit të aksesit të barabartë të ujit të pastër për të gjithë banorët e planetit tonë.
