KRU “Hidromorava”, ka njoftuar se ka zbuluar disa kyçje ilegale në rrjetin e ujësjellësit shkruan Radio Star.
Andaj KRU “Hidromorava”, thekson se do të merr masa ndaj të gjithe atyre që shkelin ligjin dhe bëjnë kyçje ilegale.
Njoftimi i plotë:
24 prill 2024 – Me një pune të jashtëzakonshme dhe një përkushtim maksimal, ekipet tona inspektuese vazhdojnë të angazhohen në identifikimin e kyçjeve ilegale në rrjetin e ujesjellësit.🚱
Identifikimi i kyçjeve ilegale në rrjetin e ujesjellësit është njëra nga prioritetet tona kryesore, pasi që ky fenomen shkakton humbje të shumta të ujit dhe dëme në sistemin e furnizimit me ujë.
Për të parandaluar këtë sjellje shqetësuese dhe për të siguruar që resurset tona të ujit të mbeten të arritshme dhe të sigurta për të gjithë, ne nuk do të hezitojmë të ndërmarrim hapa të nevojshëm për ti ndjekur penalisht personat që shkelin rregullat.
Masat e ndërmarrura do të jenë në përputhje me ligjin dhe rregulloren për sigurinë dhe funksionimin e sistemit tonë të furnizimit me ujë.
