Avokati Arianit Koci në emisionin Rubikon në Klan Kosova po rrëfen peripetitë e tij, si avokat i familjes së Faton Hajrizit. Ai shkoi në Lloznicë për të kërkuar trupin e Faton Hajrizit si i autorizuar nga familja e tij. Por Koci në rrëfimin e tij ka thënë se kur shkoi aty, e rrethuan 20 policë, dhe e privuan nga liria për njëfarë kohe.
“Më rrethuan rreth 20 policë, ndoshta katër prej tyre ishin civilë. Ishte situatë e tensionume, njëri si me kërcënim më tha, shumë trim po bëhesh. Tjetri më tha, qysh ju kish dokë juve pas luftës me ardhë një serb me kërku kufomën e një serbi që kishte vrarë shqiptarë. Unë isha i privuar nga liria për njëfarë kohe, ndoshta 30 minuta, nuk mujsha as me hy e as me dal” – ka thënë Koci.
