Ka nisur mësimin 18-vjeçarja A.D, e cila ishte përjashtuar nga shkolla e mesme “Bedri Pejani” për shkak të mbulesës në Pejë.
Kështu ka bërë të ditur, Drejtori ekzekutiv i Qendrës Kosovare për Paqe, Labinot Maliqi përmes në postimi në Facebook.
Maliqi theksoi se A.D do të jetë nxënësja e parë në historinë e gjimnazit “Bedri Pejani” që i lejohet të mbajë mbulesën.
“Pas njoftimit të prindit të nxënëses A.D., duke më dhanë lajmin e shumëpritur, konfirmimi përkatës më erdhi gjithashtu edhe nga drejtoria e gjimnazit “Bedri Pejani” në Pejë se, nxënësja e larguar nga shkolla për shkak të mbulesës më 2 Shtator, do të kthehet sot në bankën e saj për të vijuar mësimin e rregullt. Kjo nxënëse do të jetë e para në historinë e këtij gjimnazi që lejohet të mbajë mbulesën. Le të jetë ky rasti i fundit i largimit të vajzave tona nga shkolla për shkak të mbulesës.”- ka thënë Maliqi.
