Behgjet Pacolli, kryetari i Aleancës për një Kosovë të Re (AKR), ka thënë se ka biseduar me Milan Radoiçiqin, ish-nënkryetarin e Listës Serbe – tash kryeterrorist për sulmin në Banjskë të Zveçanit.
Pacolli ka shtuar se kjo bisedë ishte kërkuar nga kryeministri Albin Kurti dhe presidentja Vjosa Osmani. Pacolli përshkroi se si është thirrur në parlament rreth orës 12:30 pasmesnatës në ditën e votimit në Kuvend.
“Por, dëshpërimi është i madh. Kur e sheh që njeriu i Qeverisë apo Qeveria, flet në emtë të Qeverisë. Dhe thotë se nuk është e vërtetë, ai gënjen. Nuk është natyra e ime të shkoj dhe ta denoncoj një gjë të tillë… unë nuk mund të gënjen e kam than ashtu siç ka qenë.
Ka qenë ora 12:30 pasmesnatës, ka qenë praktikisht në fillim e ditës kur është votuar. Dhe më kanë thirr që të shkoj në Parlament, kam shkuar, në zyrën private të kryetares së së Parlamentit, aty më kanë pranuar. Nuk kam qenë vet, kam qenë më një person tjetër. Ai më duket se ka bërë edhe disa foto në atë mbrëmje.
Zoti Kurti ka qenë i ulur para meje, këmbë mbi këmbë. Në anën tjetër ka qenë zonja Osmani, e cila thotë se ne kemi ardhur deri këtu. Unë isha kthyer nga Turqia me kërkesën e tyre, me një avion privat, duke paguar koxha shumë para për të votuar për presidenten. Pasi më thanë sa isha në Stamboll, se mungon vetëm vota ime. Dhe formimi i Qeverisë është në duart e mija, unë nuk kam mund mos me u kthyer. Dhe atë natë më kanë thënë e mungojnë edhe votat e tjera dhe më thonë zoti Pacolli, ju si gjithmonë gjeni një zgjidhje. Unë iu kam thënë se është vështirë, t’i drejtohem dikujt tjetër nga partitë tjera, pasi hasmëria ka qenë koxha e madhe. Por që mbetet vetëm Lisa Serbe, ajo ka qenë në parlament. Dhe ka pasur deputetët e vet”, ka thënë Pacolli në Debat Plus.
Sipas tij, pas një hezitimi fillestar nga Radojçiqi, një telefonatë e mëvonshme bëri që deputeti Adem Hoxha të merrte pjesë në votim.
“Unë kam pasur një komuni me zotin Radojçiq, ju e dini jam takuar edhe në jaht. Rastësisht e kam takruar dhe e kam ditur kush është. Dhe ai emër është dëgjuar kur është bërë nënkryetar i Lisëts Serbe. Dhe kam thënë se ndoshta e gjej numrin e tij të telefonin te një koleg i juaj. Kam telefonuar një gazetar dhe ma kanë dhënë numrin tij.
Kam thënë se vetëm këtë me lut. Me e pyet. Nëse dëshiron ai. Dhe më kanë thënë sigurisht që po. Ata janë deputetë të Kuvendit të Kosovës dhe unë e kam thirru atë. Në momentin e parë nuk ka pranuar me dërgu askënd. Dhe kam qenë shoferin duke shkuar në shtëpi, në makinë, kur më ka thirr dhe më ka thënë shiko po më vjen shumë rënë mos më implementuar këtë që po ma kërkon. Më thotë nesër në ora tre, deputeti Adem Hoxha është para parlamentit dhe do të jetë prezent. Dhe kjo ka ndodhur. Besoj që i kam shërbyer vendit dhe zotit Kurti dhe zonjës presidente”, ka shtuar Pacolli.
