Nazim Gagica, së bashku me kolegët, vizitoi arsimtarin Hazir Korça për ta falënderuar për kontributin e tij të pashoq në arsim dhe sport.
Shtëpia e Hazir Korçës, në një akt të jashtëzakonshëm përkushtimi, ishte shndërruar në një ‘Shtëpi Shkollë’ për nxënësit e Shkollës Teknike “Mehmet Isai” gjatë periudhës së okupimit.
Në këtë vizitë, Gagica i dorëzoi Korçës një mirënjohje të veçantë si shenjë vlerësimi për punën e tij të palodhshme në arsim, në Shoqatën “Nënë Tereza” dhe në klubin e pingpongut. Me këtë rast, Gagica i uroi Korçës shëndet dhe jetë të gjatë pranë familjes dhe shoqërisë.
Postimi i plotë:
Bashkë me kolegë, vizituam arsimtarin Hazir Korçën, për ta falenderuar për kontributin e tij jetësor në fushën e arsimit e sportit.
Shtëpia e Hazir Korçës ishte vënë në shërbim të arsimit duke u shndërruar në ‘Shtëpi Shkollë’ për nxënësit e Shkollës Teknike “Mehmet Isai” në kohën e okupimit.
Me këtë rast, në shenjë vlerësimi, i ndava mirënjohje për punën e palodhshme në arsim, Shoqatën “Nënë Tereza”, si dhe në klubin e PingPongut.
I uruam jetë të gjatë e me shëndet pranë familjes dhe shoqërisë!
