Ditën e shtunë, Kryetari i Gjilanit, Alban Hyseni, ka vënë gurthemelin e një projekti të shumëpritur për qytetin – renovimin e palestres së sporteve “Bashkim Selishta”.
Ky investim sipas Hysenit, prej 2.7 milionë eurosh do të sjellë një transformim të plotë të kësaj palestre, duke e bërë atë një hapësirë moderne dhe dinjitoze për sportistët tanë, që janë burim frymëzimi për gjithë komunitetin.
Më tutje kryetari i Gjilanit, Alban Hyseni ka thënë se ky është një hap i rëndësishëm për qytetin, me fokus te mbështetje për kampionët tanë dhe një hap i rëndësishëm për Lojërat Mesdhetare 2030.
Statusi i plotë:
Pas shumë vitesh pritje, palestra e sportit po rilind – një projekt që shpejt bëhet realitet për qytetin tonë dhe për sportistët që na frymëzojnë çdo ditë.
Me një investim prej 2.7 milionë eurosh, palestra do të marrë një pamje krejt të re – moderne e dinjitoze, siç i ka hije. 🏀⚽️🏐
Për kampionët tanë, për krenarinë tonë të përbashkët, për Lojërat Mesdhetare 2030, për Gjilanin që duam! 🥇
#përGjilaninqëduam #palestraesportit
