Drita të martën zhvillon ndeshjen e parë të rrethit para-eliminator të Ligës së Kampionëve ndaj Santa Colomas.
Trajneri Bekim Isufi për këtë sfidë do t’i ketë në dispozicion 16 futbollistë, teksa nuk mund të llogaritë në dyshen e ardhur këtë afat kalimtar, portierin Edvin Bakaj dhe sulmuesin Betim Haxhimusa, shkruan Gazetasheshi.com.
Leutrim Rexhepi pritet të jetë në portë me mbrojtjen e zakonshme, Leci e Kuka në krah dhe Limani e Gërbeshi në qendër.
Mesfusha do të përbëhet nga Bujar Shabani, Drilon Musaj dhe Endrit Krasniqi. Ndërkohë, Leotrim Kryeziut në sulm do t’i ndihmojnë Haxhi Neziraj dhe ylli i skuadrës, Xhevdet Shabani.
Ndeshja do të zhvillohet të martën në Gjibraltar prej orës 17:30. /Gazeta Sheshi/
