Gjilan, Qershor 2025 – Qendra ProCoders ka hapur regjistrimet për Kampin Veror 2025, një program edukativ që synon të nxisë interesin dhe aftësitë teknologjike te fëmijët dhe të rinjtë nga mosha 6 deri në 15 vjeç. Kampi do të mbahet në qytetin e Gjilanit dhe është ndarë në tre kategori moshe: 6–9 vjeç, 10–12 vjeç dhe 13–15 vjeç.
Ky kamp veror është një mundësi unike për pjesëmarrësit të përfshihen në botën e programimit, robotikës dhe teknologjisë në mënyrë argëtuese dhe edukative. Me një qasje praktike dhe kreative, pjesëmarrësit do të kenë mundësinë të mësojnë bazat e kodimit, të ndërtojnë robotë dhe të zhvillojnë mendimin kritik dhe logjik.
Qëllimi i kampit, sipas organizatorëve nga ProCoders Center, është të fuqizojë të rinjtë në epokën digjitale dhe t’u ofrojë atyre njohuritë bazë që i përgatisin për një të ardhme teknologjike.
Kampi ofron:
Mësime interaktive nga mentorë profesionistë
Projekte praktike dhe gara në fushën e teknologjisë
Ambient miqësor dhe motivues për të mësuar dhe bashkëpunuar
Të gjithë të interesuarit mund të kontaktojnë ProCoders Center për më shumë informata rreth regjistrimeve dhe programeve të kampit.
