Skuadra gjilanase FC Drita ka reaguar menjëherë pas hedhjes së shortit për fazën e grupeve në UEFA Conference League, duke e cilësuar këtë moment si një kapitull të ri dhe historik për klubin dhe futbollin kosovar.
Përmes një komunikate zyrtare, Drita thekson se përpara saj janë sfida të mëdha, por edhe mundësi të arta për të treguar vlerat në arenën evropiane, gjithmonë me besim dhe me përkrahjen e tifozëve “Intelektualët”.
Komunikata e plotë:
Historia vazhdon! ⚪🔵
FC Drita tashmë e ka mësuar shortin për fazën e ligës në UEFA Conference League. Përpara nesh janë sfida të mëdha, por edhe mundësi të arta për të shkruar faqe të reja në historinë e futbollit tonë. Me zemër, me besim dhe me “Intelektualët” gjithmonë pranë, ne do të luftojmë për ngjyrat tona dhe për të përfaqësuar Kosovën në arenën evropiane.
–
FC Drita ⚪️🔵
