Kryetari i Komunës së Gjilanit dhe njëherit kandidati për të parin e qytetit nga radhët e Lëvizjes Vetëvendosje, Alban Hyseni, ka ftuar qytetarët në një takim të hapur që do të mbahet nesër, me fillim nga ora 20:30, në lokalin Ohana.
Ky takim, sipas organizatorëve, do të jetë një mundësi e veçantë për diskutim, shkëmbim idesh dhe bashkëbisedim të hapur mbi çështjet që prekin të rinjtë dhe komunitetin në përgjithësi.
“Ky është një rast i mirë për diskutim, ide të reja dhe bashkëbisedim të hapur mbi çështjet që na prekin si të rinj të komunës sonë. Ju mirëpresim të gjithëve”, thuhet në ftesë.
