Sot, dështimi për të zgjedhur qeverinë e re edhe një herë tregoi se klasa aktuale politike nuk po e vë interesin kombëtar e shtetëror mbi interesat partiake e personale. Ky moment nuk është thjesht krizë politike – është thirrje ndaj ndërgjegjes sonë kombëtare.
Për këtë arsye, unë besoj se platforma Kosova e Para duhet të jetë rruga jonë përpara – një vizion që garanton zhvillim të qëndrueshëm, dinjitet shtetëror dhe një lidhje formale, strategjike e të pathyeshme mes Republikës së Kosovës dhe Shteteve të Bashkuara të Amerikës.
Nuk na duhet përçarje. Na duhet unitet në dallime – parim që e kam mbrojtur si deputet në Kuvendin e Kosovës dhe si zë i fuqishëm i kauzës sonë kombëtare në Washington. Sot, më shumë se kurrë, Kosova ka nevojë për një lidership që bashkon, jo që ndan; që ndërton ura, jo mure; që e njeh sakrificën e popullit dhe e shndërron atë në vizion për të ardhmen.
Ju ftoj të besojmë bashkë se Kosova mund të ecë përpara – me unitet, me dinjitet dhe me aleancën tonë të përhershme me ShBA-në.
Në këtë rrugë, unë jam i gatshëm të marr përgjegjësinë dhe të jem zëri i bashkimit, i shpresës dhe i veprimit.
Kosova e Para – sepse Kosova meriton të jetë gjithmonë në vend të parë!
Kosova e Para — bashkohu me ne: https://kosovaepara.org/bashkohu-me-ne/
