Policia e Kosovës ka njoftuar se ka gjetur disa tabela të automjeteve të cilat gjatë vërshimeve në rrugën Prishtinë – Ferizaj janë humbur dhe janë dorëzuar në Stacionin Policor në Graçanicë.
Policia ka ftuar pronarët e këtyre tabletave që të paraqiten në Stacionin Policor në Graçanicë për tërheqjen e tyre.
“Njoftohen qytetarët, se në zonën që kishte vërshime, në rrugën Prishtinë -Ferizaj, saktësisht në afërsi të Prishtina Mall, janë gjetur disa tabela të automjeteve, të cilat janë dorëzuar në Stacionin Policor në Graçanicë. Andaj, ftohen pronarët e këtyre tabelave që të paraqiten në këtë stacion policor për tërheqjen e tyre. Faleminderit për bashkëpunim”, ka njoftuar Policia.
