Kombëtarja e Kosovës e zhvillon sonte ndeshjen e dytë në kuadër të Grupit B3 të Ligës së Kombeve, ku përballë do ta ketë Austrinë në Vjenë.
Dardanët vijnë në këtë përballje pas fitores 1:0 ndaj Irlandës në “Fadil Vokrri”, derisa Austria e nisi kampanjën me fitore 3:1 ndaj Izraelit. Të dyja skuadrat aktualisht kanë nga tri pikë në grup.
Ndeshja do të zhvillohet në stadiumin “Ernst-Happel” në Vjenë dhe nis në orën 18:00, sipas orës lokale. Kjo është përballja e parë historike mes Austrisë dhe Kosovës në nivel të kombëtareve A.
Kosova synon të vazhdojë serinë pozitive pas triumfit ndaj Irlandës, ndërsa Austria kërkon fitoren e dytë radhazi në grup. Sipas të dhënave të ndeshjes, Austria nuk ka humbur në 15 ndeshjet e fundit në shtëpi, ndërsa Kosova ka fituar tri ndeshjet e fundit konkurruese si mysafire.
Për Dardanët kjo do të jetë një tjetër sfidë e rëndësishme në rrugëtimin në Ligën B, pas triumfit në ndeshjen hapëse ndaj Irlandës.
