Pas 17 vjetësh angazhim profesional në Drejtorinë për Gjeodezi, Kadastër dhe Pronë, juristi Salih Fazliu ka përmbyllur rrugëtimin e tij të punës, duke u pensionuar.
Me këtë rast, kolegët e tij kanë organizuar një darkë lamtumirëse, ku kanë shprehur mirënjohje për kontributin, përvojën dhe bashkëpunimin e tij ndër vite.
Fazliu, i cili ka ushtruar detyra si jurist dhe udhëheqës në sektorin e pronës, vlerësohet për përvojën profesionale dhe ndihmën e dhënë për kolegët gjatë angazhimit të tij në këtë drejtori.
Në mesazhin e ndarë me rastin e pensionimit, kolegët e kanë falënderuar për kontributin e tij dhe i kanë uruar shëndet, lumturi dhe shumë vite të mira pranë familjes.
Pensionimi i Salih Fazliut shënon përfundimin e një kapitulli të rëndësishëm profesional, ndërsa përvoja dhe kujtimet nga bashkëpunimi me kolegët mbeten pjesë e rrugëtimit të tij ndër vite.
