SC Gjilani ka arritur marrëveshje me trajnerin shkupjan Zekirija Ramadani, i cili do të marrë drejtimin e skuadrës bardhekuqe pas largimit të Debatik Currit.
Ramadani pritet të prezantohet zyrtarisht nesër përmes një konference për media, ku klubi do ta bëjë publik rikthimin e tij në futbollin e Gjilanit, këtë herë në krye të skuadrës rivale të ish-klubit të tij, FC Drita.
Trajneri nga Shkupi vjen te SC Gjilani pas një periudhe të suksesshme te Drita, me të cilën arriti të mbrojë titullin e kampionit të Kosovës dhe të shënojë paraqitje në garat evropiane, përfshirë fazën e grupeve të UEFA Conference League.
Tashmë, Ramadani do të nisë një kapitull të ri në karrierën e tij, duke marrë përsipër drejtimin e SC Gjilanit, me synimin për ta konsoliduar skuadrën dhe për të përmirësuar rezultatet në vazhdim të sezonit.
Prezenca e tij në stolin bardhekuq pritet të jetë një nga zhvillimet e rëndësishme të këtij sezoni në futbollin gjilanas, duke pasur parasysh të kaluarën e tij me FC Dritën dhe rivalitetin mes dy klubeve të qytetit.
Prezantimi zyrtar i Ramadanit pritet të mbahet nesër në konferencën për media të organizuar nga SC Gjilani./Radio Star/
