Nënkoloneli Remzi Azemi është emëruar në pozitën e drejtorit rajonal të Policisë së Kosovës në Ferizaj, pas një karriere 27-vjeçare në shërbim të Policisë së Kosovës.
Azemi ka shërbyer për 27 vjet në radhët e Policisë së Kosovës, duke mbajtur përgjegjësi të ndryshme dhe pozita udhëheqëse gjatë karrierës së tij. Përgjatë kësaj periudhe, ai ka krijuar një përvojë të gjatë profesionale dhe ka gëzuar respektin e kolegëve dhe bashkëpunëtorëve në institucionin policor.
Një pjesë të rëndësishme të karrierës së tij profesionale, Remzi Azemi e ka zhvilluar në Gjilan. Në vitin 2014, ai kishte ushtruar detyrën e komandantit të Stacionit Policor në Gjilan, ndërsa për disa vite kishte shërbyer edhe në pozitën e zëvendësdrejtorit të Policisë në këtë rajon, duke qenë pjesë e strukturave drejtuese dhe zinxhirit komandues.
Gjatë gjithë karrierës së tij, Azemi është angazhuar në shërbim të rendit dhe sigurisë publike, duke ruajtur përkushtimin ndaj uniformës dhe përgjegjësive që burojnë nga detyra policore.
Tashmë, përvoja e tij 27-vjeçare do të vazhdojë në Ferizaj, ku do të marrë përgjegjësinë e drejtimit të Policisë Rajonale. Emërimi i tij paraqet një kapitull të ri në karrierën profesionale të nënkolonelit Remzi Azemi, i cili për shumë vite ka qenë pjesë e strukturave policore në Gjilan./Radio Star/










