Gjilani-Drita, një derbi që pritet me kureshtje të jashtëzakonshme nga tifozët jo vetëm nga Gjilani, por në tërë Kosovën. Ky derbi çon në këmbë tifozët dhe krejt qytetin e Gjilanit. Në derbi e këtyre skuadrave shumë herë janë tubuar deri në 10.000 shikues, kështu pritet të jetë edhe kësaj radhe. Tifozët ‘Skifterat’ e Gjilanit dhe ‘Intelektualët’ e Dritës, premtojnë një spektakël të njëmendtë.
Dy rivalët e një qytetit, zotohen për lojë të hapur dhe secili beson se do t’i fitojë pikët e plota. Gjilani është në vend të gjashtë me 10 pikë, ndërsa Drita mban pozitën e dhjetë me 6 pikë. Gjilani-Drita, është sfida më interesante e javës së 7-të në elitën e futbollit, e cila luhet të dielën në orën 15:30.
