Kryetari i Komunës së Gjilanit, Lutfi Haziri ka marrë pjesë në konferencën përmbyllëse të fushatës “Ta Pastrojmë Kosovën”. Fushatë kjo që ka të bëjë kryesisht me pastrimin dhe ruajtjen e mjedisit dhe që ishte zhvilluar nga 15 shtatori deri më 15 dhjetor 2018.
Gjatë kësaj konference janë prezantuar puna që kanë bërë të gjithë akterët që ndihmuan në organizimin e Fushatës “Ta Pastrojmë Kosovën”, ku edhe u prezantuan të arriturat e dhe u bë shpallja e komunave fituese të cilët kanë marrë pjesë në këtë fushatë tremujore.
Përndryshe Komuna e Gjilanit është vlerësuar pozitivisht për punën e bërë ku edhe ka përfituar një grant të performancës në kuadër të fushatës “Ta Pastrojmë Kosovën”, në vlerë prej 100 mijë euro.
