Kryeministri i Kosovës, Ramush Haradinaj, ka bërë homazhe sot në Reçak, duke thënë nga aty se kjo ditë kujton gjenocidin dhe krimin që ka kryer Serbia në Kosovë.
Haradinaj tha se masakra e Reçakut shënoi momentin vendimtar të kthesës në luftën dhe përpjekjet e Kosovës për liri dhe pavarësi, dy dekada më parë sipas tij një akt çnjerëzor tronditi ndjenjat e botës demokratike dhe mobilizoi Perëndimin që me forcë ta ndalte shfarosjen e popullit kosovarë.
Postimi i plotë:
Dy dekada më parë, një akt çnjerëzor tronditi ndjenjat e botës demokratike dhe mobilizoi Perëndimin, që me forcë ta ndalte shfarosjen e një populli të tërë. Masakra e Reçakut, dëshmia e krimit gjenocidal në Kosovë, shënoi momentin vendimtar të kthesës në luftën dhe përpjekjet tona për liri dhe pavarësi. Sot, në nderim të dëshmorëve e martirëve kam bërë homazhe në Kompleksin Përkujtimor në Reçak. Me pietet dhe respektin më të thellë, përjetë do t’i kujtojmë të gjithë martirët, dëshmorët dhe heronjtë, që me flijimin e tyre u bënë gurthemel i lirisë sonë.
