Nënkryetari i Gjilanit, Arbër Ismajli përmes një postimi në Facebook, i ka uruar mirë se ardhje
Vjosa Osmanin, si të parën grua kandidate për Kryeministre të Republikës.
Ja postimi i plotë:
Miq!
Gjilani është konak i moçëm i burrërrisë dhe i traditës të ngritura mbi vlera dhe sakrificë!
Të njohura kanë qenë në histori odat e tribunëve si Idriz Seferi e Ramiz Cernica, jatakët e Molla Idriz Gjilanit dhe NDSH-istëve të fundit në kufirin lindor të etnisë shqiptare.
Gjilani, ka ditur të jetë konak i trimërisë së djalërisë si Agim Ramadani e Abdullah Tahiri, dhe e shumë heronjëve të tjerë në kauzën kombëtare.
Gjilani, sot është konak urban i demokracisë dhe proceseve të rëndësishme të vendit.
Ne po presim Vjosa Osmanin, si të parën grua kandidate për Kryeministre të Republikës, dhe kjo na bënë të shohim në Vjosën një Margaret Thacher, një Madelin Olbrajt, të proceseve shumë të rëndësishme për vendin në konsolidim shteti, në finalizim të statusit dhe në intergrime euroatlantike.
Po e presim Vjosën, për të dëshmuar kulturën tonë politike, gadishmërinë tonë për të pranuar vlerat e reja, si frymëzim dhe si kërkesë që ne ja kemi demokracisë.
Vjosë, mirësevjen në konakun e demokracisë urbane, aty ku vlerat jane të familjes, shtetit dhe besimin në Zot.
Na prijë Vjosë, Gjilani ka çka të presë e ka çka të ofrojë në rrugëtimin tonë të përbashkët.
