Lajmi i mirë është se për pak ditë, Gjilanit do t’i shtohet kapaciteti i ujit të pijshëm për 25 litra për sekond nga shpimi i tre puseve te kazerma e Ushtrisë së Kosovës. Në javën e ardhshme do të kalohet në lagjen Fidanishte për hapjen e puseve të reja për edhe 25 litra për sekond më shumë. Kjo është zgjidhje për situatën emergjente, ndërkaq zgjidhja afatgjate parashihet të bëhet përmes lumit Krivareka dhe ndërtimit të pendës së Llapushnicës. Kurseni ju lutem sepse uji është jetë!
